BREAKING NEWS: Ex minister PC Zoram Sangliana boral

Aizawl | April 24, 2021: Mizoram Ex minister PC Zoramsangliana chu vawiin tlai dar 5:20 khan ZMC-ah a boral.

PC Zoram Sangliana hi April 14, 2021 khan a dam loh avangin Ebenezer Hospital-ah hruai a ni a, COVID-19 a lo positive tih hmuhchhuah a n a. ZMC ah lak phei niin ICU ah dah nghal a ni.

Ventilator nen theih tawp chhuahin thawktu ten an enkawl mek a, chiu mut (sedate) a ni a. Mahse, a natna dang Kidney transplant niin, BP tha lo, Zunthlum, Chronic Bronchitis te a neih bawk avangin chhan theih a ni ta lo a ni.

PC Zoram Sangliana hi Congres Ministry-ah Cabinet Minister a lo ni tawh a. Tunah hian MPCC ah Core Committee a chelh mek bawk.

Art & Culture minister a nih laiin Mizoram-in cheraw hmangin world record a siam a, a hunlai vekin Zirna in hrang hrangah kar khatah ni khat tal Mizo thuam a inthuam tura ngenna siamin bul a tan a, zawm a hlawh hle a ni.

Tin, PC Zoram Sangliana hi MLA a nih chhungin, Mizo invui dana hlamzui(h) awm duh lotu leh thaibo a tul zia sawi hnem bertu a ni.

Mizo Zirlai Pawl (MZP)-ah pawh sulhnu lo nei tawhin, 1978 atanga 1980 khan MZP general headquarters Assistant general secretary dinhmun leh 1980 atanga 1984 chhung khan general secretary dinhmun a lo chelh tawh a ni.

Salvation Army a lawi niin, Kanan Corp-ah an lawi a ni.

Young Men's Christian Association-ah hruaitu niin, Foundation for Free Drug Mizoram-ah pawh patron a ni bawk a ni.