Aizawl | April 24, 2021: Covid-19 Medical Operational Team (MOT) huaihawta Mizorama doctor pawl hrang hrang aiawh thukhawmin hri leng vanga inkhuahkhirhna kallai a zawh huna ni 7 dang inkhuahkhirh zui leh rawtna state level committee ah an thlen dawn.
Covid 19 Medical Operational Team Chairman Dr ZR Thiamsanga office-a Doctor pawl hrang hrang aiawh thukhawmte chuan Mizorama inkhuahkhirhna kalpui mek chungchanga kan dinhmunte an thlir a, hri kai thar hmuh chhuah a la tlak hniam tak tak loh avangin chawlhkar khat tal inkhuahkhirhna kalpui leh tha an tih thu an sawi a, committee sang zawkah ngaihtuah turin rawtna an thlen dawn a ni.
Nimin Medical Operational Team Chairman Dr ZR Thiamsanga office-a thutkhawmah hian Health Secretary leh Mizoram Government Doctors' Association aiawh leh Non-Governmental Hospital Association of Mizoram (NGHAM) aiawhte an tel.
Post a Comment
He post chungchanga i ngaihdan lo sawi ve rawh: