World Oral Health Day hmang

Aizawl | March 22, 2021: Inrinni chawhma Dar 11:00 khan Vanapa Hall, Aizawl ah World Oral Health Day hman a ni.

World Oral Health Day ah hian Dr. Lalhmuchhuaka Medical Superintendent, Civil Hospital chu chairman niin Chief Guest atan Dr. ZR Thiamsanga, MLA Vice chairman Health & Family Welfare Board sawm a ni bawk. World Oral Health Day hi Health Workers’ Training School Kulikawn, Aizawl a an Principle, faculty member leh training laite leh BN Nursing College a Principle , faculty member leh zirlai  ten an hmang pui bawk.

Dr. ZR Thiamsanga, MLA Vice Chairman H&FW chuan World Oral Health Day hmang thei a hriselna tha a nei chu vannei a intih thu sawi in, lo kal zawng zawng te chu mahni Ka vawn fai lam a hmasawn chho zel turin fuihna thu sawiin, he World Oral Health Day Pual hian mipui chu zuk leh hmuam fihlim na lam a tan la zel tur in leh thlai leh thei rah ei tam tur in a sawm bawk.

He hun neih lai hian   Dr. ZR Thiamsanga chuan kan thenawm ram Myanmar a sipai ten an mipui zalenna  an awpbet chu tha lo a tih thu leh Myanmar mipui ten zalen na chang ngei tur a a duh thu a sawi. Kan ram Mizoram pawn theihtawp chhuah a Myanmar ram mipui raltlan te chu lo puih zel anin huam thu a sawi. 

Dr. ZR Thiamsanga  kaihhruaina hnuaiah Myanmar mipui te tan a Kut dinglam emaw veilam phar chung a Minute 1 ngawi reng a din na hun hman a ni.

Dr. Zodinliana Ngente, MDS Oral&Maxillo – Facial Surgery hnen atang in World Oral Health Day Theme “Be Proud of Your Mouth” (In other words, value and take care of it) tih sawi fiahna leh sawi zauna (Presentation) te neih leh niin ‘Nu leh Pa te pawn naupang ten an ha na an sawi a nih chuan ngaihven sak vat turin mipui te a fuih a, ‘rang tak a lo in ven lawk na hian, tih damna kawng ah thui tak a pui a ni’ tih a sawi bawk.

Dr Vanlalhuma Sailo, State Programme Officer, National Oral Health Programme DHME in World Oral Health Day a lo tel zawng zawng te hnen ah lawm thu sawiin, World Oral Health Day chu  Kum 2013 atang khan kumtin March ni 20 ah thupui hrang hrang neia hman thin a nih thu a sawi a. He ‘World Oral Health Day’ hi FDI World Dental Federation huaihawt a ni a, khawvêl ram hrang hrangah hman thin thu leh World Oral Health Day hian ka chhung hriselna chungchangah thu chhuah te a thawn darh thin thute leh ka chhung vawn thianghlimna hi taksa pum hriselna atan a pawimawh em em a ni tih sawiin he Programme hi hman a ni.

Ka chhung hrisel neih nana tih tur te :

1. Nitin vawi-2 há nawh ziah tur a ni, zingah leh zànah (Minute 2/3 talê)

2. Thla ruk danah tal há daktawr(Dentist) te ka chhung hriselna te endik tir \hin tur a ni.

3. Vaihlo lam leh zu uar taka tih loh tur a ni.

4. Chaw tha leh hrisel, thei leh thlai lamte ei uar hram hram tur a ni.

5. Thil thlum lam, Chhang thlum leh ban lam chi te ei loh tur a ni.