Aizawl | March 21, 2021: National Students Union of India (Mizoram) NSUI Mizoram chuan nimin piah khan School education minister hnenah lehkha thawnin, Party behchhana VC member ni chunga sawrkar hnuaia hna thawka hindi teacher hna thawk kawp chungchangah a rang lama chinfel sak turin an ngen.
NSUI Mizoram lehkha-a an tarlan danin, Khanpui Village Council member ni lai, MNF party ticket atanga thlan tlin Lalfakawmi d/o Khawmpuiliana chu Middle school hindi zirtirtu atan lak a ni a, Sesawng Middle School ah dah niin, tunah hian VC nena a thawh khawp theih nan Khanpui M/S ah sawn a ni.
NSUI Mizoram lehkha chuan, Sawrkar hna thawk chunga political party behchhana VC member nih chu dan kalh a nih avangin a rang lama chinfel sak turin minister hi an ngen a ni.
He an lehkha Social media-a darh-ah hian NSUI Mizoram vice president Lalthanzuala chuan hminmg a ziak a ni.
Hindi Teacher an lakna kha hun a kal leh deuh tawh a, Joining Report pe in Post ah an awmin hna an ṭanna pawh a rei leh tawh. Hetih lai hian VC Member a nihna pawh Decline lova Hindi Teacher(Sorkar ah) a chelh ngat ngat thei hi chu thil mak tling a ni. Thuchhuah tute sawi dana an khua Khanpui a VC a nih zui theih nana Transfer a nih lek phei chuan bân tlak zawk a ni ang.
Khanpui hi Chalfilh Bial, Assembly Speaker, Pu Lalrinliana Sailo Bial a ni a, Education Minister hi Pu Lalchhandama Ralte a ni.
NSUI hi India National Congress hnuaia zirlai pawl a ni.
Post a Comment
He post chungchanga i ngaihdan lo sawi ve rawh: