MRB hnuaia danin a phal chin piaha thawktute MSU-in chawlhtir phut

Aizawl | March 17, 2021: Mizo Students’ Union (MSU); General Headquarters, Aizâwl chuan Institute of Banking Personnel Selection (IBPS) kaltlanga Mizoram Rural Bank (MRB)-a thawk tûr lâk chungchângah probation hun chhûnga Local Language Proficiency Test paltlang zo lo Office Assistant paruk thawk mêkte chu Regional Rural Banks Rules 2010-in a phal chin thla 18 aia tam hna an thawh avâng leh Mizo ṭawng pâwl riat (8) thiamna tlukpui certificate an la neih theih loh avângin vawiin chhûn dâr 12 khân MRB Chairman Pu V. Jaya Chandra hnênah chawlhtîr thuai tûrin ngenna a thlen.




Heng hna thawkte hi MSU thuchhuahin a tarlan danin, Chandan Choudhury, Kâwlkulh; Shailesh Kumar Singh, Champhai; Rishabh Raj, Marpara; Amibatha Nath, Kânhmun; Amit Kumar, Ngopa leh Sumit Kumar, Sangau hmuna thawk mek an ni.

MSU chuan hêng an hun tiam pelh tawh hnua
hnathawk luite hi MRB Management lamin an
chawlhtîr vat theih nân kum 2020 November
ni 24 khân General Manager hnênah ngenna
a lo thlen tawh a. He ngenna hian awmzia a
neih loh mai bâkah hnamdang mi eng emaw
zâtin Sêrchhîp MRB Assistant Manager Punit
Kumar Jha hovin Local Language Proficiency
Test buatsaih chu a fel fai tâwk lo ti-a dâwta
puhin SBI Corporate Centre, Mumbai lamah
hêkna an theh lût tih hriat chhuah a ni leh ta
zêl a. Hei hi Mizoram Rural Bank Service
Regulation 2010 dân kalh leh Mizoram tih
mualpho tumna a nih avângin MSU chuan
thinrimthlâk a tiin chawlhkâr khat chhûnga
ngaihdam dîl ngei tûrin a lo phût hial tawh a
ni. Chuti chunga hma lâknain awmzia a neih
tâk loh avângin MSU chuan Mizoram
Sawrkâr hnênah hêng hnamdang MRB
Management hêktute tân hian Test dang
buatsaih tawh lo turin a ngên nghâl a.
MSU chuan MRB hi Mizoram tâna Bank a
nih ang ngeiin Mizo mipui tâna rin tlâk leh
rin ngama a kal zêl hi a duh tak zet a;
chuvângin, hêng mi paruk te hi naktûk aṭanga
hna zawm tawh lo tûrin a hriattîr nghâl a ni.
MRB Chairman leh General Manager pawh
dânin a sawi ang ngeia hna thawk tûr leh
hnam anga thlei bîk nei lova hma la thuai
tûrin MSU chuan a phût tlat a. Ngenna
hnuhnûng ber zâwm lote chungah eng pawh
thleng se MSU-in mawh a phur lo vang.

MSU chuan MRB-ah hian a ram leilung fa
a tam thei ang ber an thawh theih nân hma
a la zêl dâwn a, Mizo zirlai leh mipuite
thlâwpna a ngên bawk a ni.

Post a Comment

0 Comments