Aizawl | March 17, 2021: National Mental Health Programme hnuai-ah Review Meeting cum Training on Mental Healthchu Vawiin khan Health Directorate, Conference Hall-ah neih a ni.
He programme hi Dr. Robert L. Khawlhring, State Nodal Officer (SNO) Mental Health in kaihhruai in hun te hman a ni a Dr. Eric Zomawia Mission Director NHM in he programme hi a tel pui bawk.
Dr. Eric Zomawia Mission Director NHM hnen atang a thu sawi te ngaihthlak leh niin Mental Health hnuai a Staff te henah fuhna thu te sawiin NHM hnuai a hmalakna hrang hrang zing ah Mental Health a pawimawh zia leh mipui ten kan la hmelhriat loh zia te sawi in tan lak a ngaih zia a sawi a. Zoram mipui ten awlsam zawk a hriselna kawng an zawh theihnan leh NHM hnuai a Mipui hamthatna tamtak te chu mipui hriatir turin Staff leh Officers te a chah bawk.
Pu Vanneihtluanga President ARDSI Mizoram Chapter hnen atang pawh Mental Health lo pawimawh zia leh Alzheimer disease vang a harsatna tuar mek tute chu chhel thiam tur leh hriatthiam na nei chung a enkawl a pawimawh thu a sawi bawk.
Dr. Robert L. Khawlhring, State Nodal Officer (SNO) Mental Health hnen atang in Mizoram dinhmun te sawina hun neih niin National Mental Health Programme (NMHP) hi India ramah kum 1982 a tan niin District Mental Health Programme (DMHP) pawh 1986 a tan a nih thu sawiin Mizoram ah pawh mumal takin kum 2014 atanga kalpui tan a nih thu a sawi bawk. NMHP Mizoram a hmalakna te sawiin World Mental Health Day (10th October) ah World Alzheimer Day 21st September leh World Sucide Prevention Day 10th September ah te hman thin a nih thu a sawi .
Hmalak tawh zat te sawina hun a nei a ni bawk.
NMHP hmalakna report tlangpui te (FY 2020-2021 (April 2020-February,2021)
1.OPD a damlo en zat = 14391
2. IPD (Admit) damlo enkawl zat = 1597
3.Awareness Programme neih zat = 180
4.Crisis Helpline-a phone call dawn zat = 1059
5.Free Clinic cum awareness neih zat = 34
Post a Comment
He post chungchanga i ngaihdan lo sawi ve rawh: