Aizawl | March 17, 2021: Mizoram Legislative Assembly thutkhawmah vawiin khan Minister TJ Lalnuntluanga Deptt chan hramg hrang, Law & Judicial, Parliamentary Affairs, Environmet Forest and Climate Change leh Transport Deptt te enkawlna tura sum ruahman chu an sawi ve loh tur thu leh an pawmpui loh tur thu sawiin Congress Legislature Party chuan house an chhuahsan.
TJ Lalnuntluanga deptt enkawl sum ruahman hi a vaia belhkhawm Rs. Nuai 30522.97 chu sawi ho a pawm tum a nih laiin Congress Legislature Party chuan an sawi ve lo tur thu leh an pass pui loh tur thu sawiin Assembly House an chhuah san.
Vawiin thutkhawmah hian CLP Leader Zodintluanga chuan Minister in House Member te pawn thleng thlenga a tih buai avanga Demand sawi ve lo tur an nih thu leh an pass pui dawn loh thu hi sawiin CLP Leader bakah hian KT Rokhaw, Nihar Kanti Chakma leh Lalrindika Ralte ten House hi an chhuah san.
A thlavang an hauh ber Pu C. Ngunlianchunga chuan ziak leh phone hmangin vawiin Assembly thutkhawma a tel theih loh thu Speaker a hrilh thung a ni.
TJ Lalnuntluanga hian House a C Ngunlianchunga thusawi lai chu lo hnial buaiin, a thusawi tur pawh sawitir hlei thei lovin a tibuai a ni. (Voicr record mai ni lovin video en turin Youtube ah a awm e.)
Post a Comment
He post chungchanga i ngaihdan lo sawi ve rawh: