Maubawk-ah chhungkaw 15 chenna in kang ral

Aizawl | March 13, 2021: Tuikin zing dar 3:40 vel khan Maubawk-ah in pariat a kangral a, he in pariat hi chhungkaw 15 chenna niin., in kangah hian mihring 61 an cheng a ni.

Vawiin nileng hian Kang tuar te tanpui leh in kang bang senghawi hnatlang neih bawk tur ani ang.

Kangmei hi Vannunthianghlima in atanga kang tan niin thu dawn a ni a, ani in bakah hian  Chhinga in pahnih, Vanlalnghaka tlau, R Manliana, Lalkroschhuanga, Thangropuia leh Lalrotlinga in te a kang a ni.

Heng in kangte bakah hian In dinglai kangmeiin a khawih tel In pali, chhungkaw panga chenna a awm a, chungte chu Lalchhanhima  ( Rcc building), Pu Sangthuama  (assam type), Sangthuama inhnuai, Pu Lalmuanawma  (In tello in, bungrua kang tel) leh Saikhuma in te a ni.

Kangmei hian ranvulh a kanghlum nual a, Vawk pahnih leh Ar 18a bakah Ui pakhat a kang tel niin Maubawk Local Council secretaryn thuchhuah chuan a tarlang.

  

Maubawk chhiat tawkte tan hian Bungkawn veng chhung in tinah vawiin Ni. 13.03.2021 hian vehbur an khawn dawn a; a khawn hna hi Br. YMA in tlawmngaiin an thawk ang. Tlem lua a awm lova, chhungtinin kan remchan dan ang zela ṭanpuina lo pe ṭheuh turin Local council leh NGO joint meeting chuan mipui an ngen a, chhiat tawhnaa ṭanpui turin hnatlangah thawkchhuak turin an vengchhung mipui an ngen bawk a ni.

*• INKANG TUR CHHUNGKAW MEMBER MI -- 61*
1.  Pu Vannunthianghlima   5 member     
2.  Pu thankhuma     3   memb
3.   Pu P.C Zalawra    6  member
4.  Pu Chhinga            6     member
5.  Vanlalnghaka Tlau  4   member
6.  Vanlalpeki          4     member
7.  Rengpuii   ( amaha awm) bukpui khua
8. Lalbiaknii (mami)     4 member
9. Thangropuia             5   member
10. Zonunsanga             3    member
11. Lalkroschhuanga   3    member
12. Pu Rohminga          4 member
13. Pi kimi                      3   member
14. Rotlinga                   5  member        
15. R.Manliana              5  member