ORIENTATION WORKSHOP ON NATIONAL TB ELIMINATION POGRAMME FOR MPs & MLAs

Aizawl | March 13, 2021: Nimin khan National TB Elimination Programme  chuan MLA leh MP te Assembly conference Hall-ah Orientation Workshop an neih pui a. He hun hi Pu R.Lalramnghaka, IAS, Special Secretary, H&FW Department chuan kaihruaiin  MLA leh MP rual te tana workshop an nei thei leh hun pawimawh tak an pe thei chu lawmawm a tih thu a sawi a. He Orientation workshop an neih chhan te sawiin Ministry of Health & Family Welfare, New Delhi chuan mipui aiawha thlante MLA leh MP te tan TB chungchangah workshop nei tura a tih thu a sawi. Pu. R. Lalramnghaka IAS chuan Mizoramah kumtin TB vei mi 3000 vel an awm thin thu a sawi a. TB vanga thi mi 50 vel an awm thin thu sawiin, Mizoramah HIV vei an pun nasat avang leh TB leh HIV hi natna kalkawp tlat anih avangin TB vei a ti tam lehzual tih a sawi. Pu R. Lalramnghaka IAS chuan WHO in khawvela TB dorem a tum 2035 aia kum ngaa hma kum 2025 ah India chuan TB dorem a tum avangin Mipuia aiawha roreltu thlan chhuah MP leh MLA zahawm tak te chu thahnem ngai taka hmalakpui turin a ngen a ni.

Dr. Zothankhuma Chhakchhuak, State TB Officer chuan MLA leh MP te tan hian TB chungchanga inzirtirna hun a pe a. Ministry of Health and Family Welfare in MLA leh MP te tana a buatsaih Tuberculosis Hand Book chu MLA leh MP te hi sem vek a ni a. He mi hmang hian MLA leh MP ten TB dorem anih theih nana an hnathawh dan tur leh an inhnamhnawih dan tur te, mipui zirtirna kawnga an hmalak dan tur  te, TB chungchang an puanzar dan tur chi hrang inkawhhhmuhna leh inzirtirna neih a ni.
He hunah hian Dr. R. Lalthangliana, Honble Minister H & FW chuan thusawiin MLA leh MP zawng zawng te chu an bial theuhah TB chungchang ngaipawimawha function neihna apiangah sawitel ziah turin a ngen a ni. TB test na khawl C & DST lab tuna Covid test na atana hman mek chu March 2021 thla chhung ngeia TB programme hnena pek kir leh tum anih thu a sawi bawk.
Nikum chhung khan Mizoram pumah TB vei mi 2282 hmuhchhuah an ni a. TB tihdam harsa bik Drug resistant TB (MDR-TB) vei mi 149 hmuhchhuah an ni. TB leh HIV veikawp mi 287 hmuhchhuah an ni bawk a. Tin TB vang hian mi 48 an thi a. TB tihdam zat hi 78% a ni

Post a Comment

0 Comments