Central Scheme hrang hrang te Mizoram in kan hman dan a dik leh dik loh kan en zel dawn - BJP President

Aizawl | March 19, 2021: BJP Mizoram Pradesh chuan vawiin 19th March 2020(Friday) hian BJP Office Upper Republic ah Political session neih niin, he hun hi Pu Vanlalhmuaka State President in a kaihruaiin, Pu Ngursailova Sailo Aizawl District Vice President in Hunserh a hmanga, Pu PC Lawmkunga IAS (Retd) in thusawina hun neiin, Pu P Sanghmingthanga State Secy in Zin report a pe bawk.


Pu PC Lawmkunga IAS (Retd) chuan thusawina hun neiin, Politic hi nitin a kan nun ah hian kan hmang reng a, Politics tih awm zia chu Khua in relbawlna/rorelna tihna a ni a, Vantlang thatna tur kalkawng niin, mi tumah thliar lova vantlang tana rualkhai taka rorelna ani. Democracy diktak hi kan ramah hian kan mamawh tawh a, Politic diktak hi kan khelh angai a, Kohhran leh Mi pangngai tak pawhin Ram siamthatna tur Politics hi kan khelh theih na turin Politics thianghlim khel ila, Party Politics khel lovin, Democracy Ram kan nih ang ngei in Mi zawng zawng huap Politics hi Mizoram ah hi chuan khel ang u a ti.


Pu Lawmkunga chuan BJP hi Kristian sakhaw zuitute tan tel ve na chi loh leh hlauhawm anga kan sawi thin hi, ka hriat ve phak chinah hetianga hlauhawm a nihna ka hre lo a, Sakhua na lam thil ah chuan Mizoram a Party dang kan neih ho nen danglam na engmah a awm ka hre lo a ti bawk.


Pu Vanlalhmuaka chuan thusawiin, BJP Mizoram Pradesh chuan hma kan la chho mek zel a, Central Scheme hrang hrang te Mizoram in kan hman dan a dik leh dikloh kan en zel dawn a, heng Central Scheme hrang hrang, Kawnglaih te, Tui thianghlim dawn chungchang te, Housing For All, Free Gas Connection chungchangah te leh Scheme dangah, thil diklo leh felhlel te a awm ni te pawhin a lang a, heng hi Central Scheme Monitoring & Vigilance Cell ten endik hna thawkin thil diklo a awm anih chuan a ti diklo tuten an tawrh a tul pawhin an tuar tawh mai angaih dawn thu a sawi.

Mizoram ah hian chhungkua ang zawng pawhin kan tam lova, tute Party emaw in a, mahni ta emaw ti a, Party induhsak taka hma an la thin hi a pawi hle a, heng hi Scheme in a tum a nihloh avang leh India ram mi rethei te tan a tanpuina tur Central in a duan hrang hrang te hi Mizoram Sorkar pawh hian rualkhai tak in hmang se, a dawng tur dik tak Mirethei ten an dawn theih nan hma la mai turin Pu Vanlalhmuaka chuan a ngen bawk.

Inkhawm ah hian BJP zawm thar mi pa 5 (panga) Pu Vanlalhmuaka State President in a lawm lut bawk.

Post a Comment

0 Comments