COVID-19: Positive pakhat hmuh belh; enkawl lai mi 14 awm mek!

* Hri vei tamna ber Aizawl district-ah mi 9 awm mek!

Aizawl | March 20, 2021: Nimin khan Mizoram-ah COVID-19 positive 1 hmuh a ni a, ani hi Rapid Antigen test atanga hmuh a ni.


He positive hi Mipa kum 62 mi Siahatla, Siaha district ami niin, symptom neih vanga in test, hri a kaina chhui mek.

Nimina sample test zawng zawng hi 454 niin, ZMC-ah pakhat leh a bak zawng chuy RAT hmanga test niin, TrueNAT khawl hmangin sample test a ni lo.

Tun dinhmun-ah Mizoram-ah hri vei enkawl lai 14 awm mekin, nunna chan hi mi 11 an tling tawh a, dam tawh mi 4421 niin, hri vei hmuhchhuah tawh zawng zawng hi 4446 an tling tawh a ni.
Hri vei hmuhchhuah tawh zingah hian Mipa chu 3242 niin, Hmeichhia erawh 1204 an ni thung.

Sawrkar thuchhuahin a tarlan danin, Aizawl district-ah hri vei tam berin mi 9 an ni a, Siaha district-in dawtin mi 3 an ni a, Champhai leh Saitual district-ah mi pakhat ve ve an awm bawk a ni.

­čĺáSample Test zat (Total-454)
➡️ ZMC RT-PCR: Aizawl-1
➡️RAgT: Aizawl-279, Lunglei-12, Siaha-12, Mamit-73, Kolasib-65, Serchhip-11, Khawzawl-1

Post a Comment

0 Comments