Serchhip | March 19, 2021: Vawiin chawhnu dar 1:30 khan Govt. Serchhip College ah India ramin zalenna a hmuh kum 75 na lawmna atan Celebration of India's 75 years of Independence (Azadi Ka Amrut Mahotsav) tih thupui hmanga Seminar buatsaih a ni.
Pu K. Lalrinchhana, Asst. Professor & Head, Department of History chuan INDIA'S FREEDOM STRUGGLE tih thupui hmangin British sawrkarin India ram a awp lai chanchin leh zalenna nei tura beih anih dan chungchangte sawiin, zalenna kan neih theih nana beitute chanchin hrang hrangte a sawi a. Nasa taka an lo beihna leh an tawrhna azara zalenna kan nei hi a lawmawm hle a ni, a ti.
He hun hi Pu C. Laldintluanga, Assistant Professor, Department of Econimics chuan a kaihruai a, central sawrkar leh Mizoram sawrkar atanga thuchhuah an hmuh angin zirna in sangah te India ramin zalenna a hmuh kum 75 na lawmna atan hian Seminar hi buatsaih tura tih an nih angin he hun hi hman anih thu a sawi a. Pu Pc Lalremsiama, Principal, Govt. Serchhip College chuan lawmthu sawina hun hmangin he hun hi a khar a ni.
Tun dinhmunah Govt. Serchhip College ah hian subject hrang hrang 13 zirna hawn mek niin, zirtirtu 57 an awm a, zirlai 408 an awm mek a ni.
- DIPR
Post a Comment
He post chungchanga i ngaihdan lo sawi ve rawh: