- K Remruatfela
- (8.2.2021)
Kar kalta khan mahni khua, Serchhipah ka haw chho zawk a. Vawiin tlai khan Aizawl ka lo lêt leh chiah a. Zirna leh eizawnna vanga Serchhip khua ka chhuahsanna hi kum 15 vel lai lo ni tawh mah se, Serchhip NGO hrang hrangah hian OB dinhmun chelh lai ka la nei ve nual a. Secretary ka nih thin avangin mahni leh mahni insiamremin haw chhunah telna pawl hrang hrangah Committee meeting kan nei kawp nuk zel a. Chutiang hun hrang hrangah chuan mi chi hrang hrangte ka pal lâwr thin a. Aizawlah AMC inthlan boruakin titi a luah khah mup maiin Serchhip han haw zet chuan Bye-Election boruak hlirin min tuam ve thung a. Titi dang reng reng a leng lo!
Eng nge kan khaw mipuite sûkthlêk ni tehreng tih hriat tuma mi mar han deh kan tum lai mêkin a hmuna awm zawkte hian _'kan bye-election lo awm tur chu eng nge i hmuh dan?'_ tiin min lo zawh khalh zêl zâwk lehnghal a, kan rilru a kap tlâng hle te pawh a ni mahna le! Chuta ni 4 leh zan 4 Serchhip ka haw chhûnga Serchhip khaw mipuite rilru sûkthlêk ka hmuh dan te chu a tawi thei ang berin a mal malin ka han chip lâwr ang e.
*Congress Party*
Serchhip pa dik tak leh rualpawl thiam, Pu PC Laltlansanga an vawrh chhuak dâwn ni-a a lan avang hian Congress muthlu an harh phah hle tih a hriat a. Nimahsela, Congress Party hrim hrim hi mipui thinlungah a thih lai a nih avangin tling zo tur erawh chuan beih nasat a ngaih viau a rinawm an ti deuh nual hlawm a. Amah duhsaktute atangin Pu Tlana lo din hun hi a fuh hrih hlawl lo a ni ti-a lo uipuitu pawh an thahnem hle tih a lang chiang em em bawk! Congress hian Pu Tlansanga kher kher ni lo, midang daih lo vawrh chhuak chu ni se tun dinhmun hrihah chuan an mualpho nasat hle pawh a rinawm. Pu Tlana hi Congress a nihna piah lamah hmundanga Serchhip mi leh awmte lo tuamhlâwm thintu a nihna hian vote tam tak a pai tel tir sa tlat avangin a lo tling zo ta em lo palh a nih pawhin vote erawh a hmu nual ang. A tuar bertu tur chu Pu Duhawma a ni.
*MNF Party*
Candidate inchuha inhruaipawhna tidul tura mi nunnem leh mi pawisawilo, Pu Vanlalzawma an lo thehchhuak dawn ni-a Serchhip mipui ten an lo rin sa thup avangin MNF chuan Candidate an set fuh dâwn viau a ni an ti deuh vek hlawm a. Mipuiten MNF ah beisei an neih sân phah viau bawk niin a lang. Nimahsela, ruling party candidate a nihna piah lama a mimala vote ken sawi tur a nei ve lêm lo ni-a a lanna hian Serchhip mipuite thinlungah tling zo lo mai tur anga ngaihna a siam phah nasa hle a. A khingpui tur Pu Duhawma leh Pu Tlana te hi chu party mi an nihna piaha anmahni mimal hrim hrima vote tam tak ken tel nei sa an ni a. Nimahsela, Pu Zawma hi chuan chutianga vote ken tel sawi tur nei a nih ve lem loh avangin Party worker vote atang ringawt hi chuan a tling zo êm dâwn em ni, tih chu mipuite inzawhna ber a ni. A tawi zawngin Neutral vote a hûi tehchiam lo ang.
*Zoram People Movement (ZPM)*
An Official Candidate, Pu Lalduhoma disqualified a nih hlim kha chuan Bye-Election lo awm turah hian 70% vote a hûi thei ang ka lo tih rilrûk thin kha a ni a. Nimahsela, tun tum ka haw kha chu ka tawng huai ngam ta tlat lo mai. Pu Duha boruak hi Serchhip mipuite thinlungah a hma ang em em kha chuan a ring viau tawh lo tih hi hai rual a ni lova. Hei hi amahin boruak a vuak vul chhoh thiam tâwk loh vâng nge a party mi leh sa ten thahnem an ngaih luatah an pal darh zâwk tih pawh hriatthiam a har hle mai. ZPM worker ngawr ngawr hi chu tih tham an awm lêm lo tih chu a chiang reng a. Chutihlai erawh chuan Neutral vote tam zawk erawh a la hûi theih tho chu a la rinawm. A lo tling leh hlauh a nih pawhin a hmaa ka lo rin dan thin anga big majority em em kha chu a beiseiawm tawh lêm lo niin a lang a. Inthlan hmaa kum la vei tur ni hlauh phei se la chuan neutral vote pawh a kiam nasa lehzual khawp ang tih a rin theih! Nimahsela, tun dinhmunah chuan beiseiawm ber chu a la nih tho hmel!!
*PC Party*
Anni hian Pu Vanlalruata an vawrh chhuak dâwn tih hi zanin Aizawl ka lo chhuk thlâk leh tawh hnua ka hriat thar chauh a nih avangin ka haw chhung zawng kha chuan Pu Ruata hming hi a lang lêm lova. Sawi zui em em tur pawh ka nei rih lo a ni.
*Congress Party*
Serchhip pa dik tak leh rualpawl thiam, Pu PC Laltlansanga an vawrh chhuak dâwn ni-a a lan avang hian Congress muthlu an harh phah hle tih a hriat a. Nimahsela, Congress Party hrim hrim hi mipui thinlungah a thih lai a nih avangin tling zo tur erawh chuan beih nasat a ngaih viau a rinawm an ti deuh nual hlawm a. Amah duhsaktute atangin Pu Tlana lo din hun hi a fuh hrih hlawl lo a ni ti-a lo uipuitu pawh an thahnem hle tih a lang chiang em em bawk! Congress hian Pu Tlansanga kher kher ni lo, midang daih lo vawrh chhuak chu ni se tun dinhmun hrihah chuan an mualpho nasat hle pawh a rinawm. Pu Tlana hi Congress a nihna piah lamah hmundanga Serchhip mi leh awmte lo tuamhlâwm thintu a nihna hian vote tam tak a pai tel tir sa tlat avangin a lo tling zo ta em lo palh a nih pawhin vote erawh a hmu nual ang. A tuar bertu tur chu Pu Duhawma a ni.
*MNF Party*
Candidate inchuha inhruaipawhna tidul tura mi nunnem leh mi pawisawilo, Pu Vanlalzawma an lo thehchhuak dawn ni-a Serchhip mipui ten an lo rin sa thup avangin MNF chuan Candidate an set fuh dâwn viau a ni an ti deuh vek hlawm a. Mipuiten MNF ah beisei an neih sân phah viau bawk niin a lang. Nimahsela, ruling party candidate a nihna piah lama a mimala vote ken sawi tur a nei ve lêm lo ni-a a lanna hian Serchhip mipuite thinlungah tling zo lo mai tur anga ngaihna a siam phah nasa hle a. A khingpui tur Pu Duhawma leh Pu Tlana te hi chu party mi an nihna piaha anmahni mimal hrim hrima vote tam tak ken tel nei sa an ni a. Nimahsela, Pu Zawma hi chuan chutianga vote ken tel sawi tur nei a nih ve lem loh avangin Party worker vote atang ringawt hi chuan a tling zo êm dâwn em ni, tih chu mipuite inzawhna ber a ni. A tawi zawngin Neutral vote a hûi tehchiam lo ang.
*Zoram People Movement (ZPM)*
An Official Candidate, Pu Lalduhoma disqualified a nih hlim kha chuan Bye-Election lo awm turah hian 70% vote a hûi thei ang ka lo tih rilrûk thin kha a ni a. Nimahsela, tun tum ka haw kha chu ka tawng huai ngam ta tlat lo mai. Pu Duha boruak hi Serchhip mipuite thinlungah a hma ang em em kha chuan a ring viau tawh lo tih hi hai rual a ni lova. Hei hi amahin boruak a vuak vul chhoh thiam tâwk loh vâng nge a party mi leh sa ten thahnem an ngaih luatah an pal darh zâwk tih pawh hriatthiam a har hle mai. ZPM worker ngawr ngawr hi chu tih tham an awm lêm lo tih chu a chiang reng a. Chutihlai erawh chuan Neutral vote tam zawk erawh a la hûi theih tho chu a la rinawm. A lo tling leh hlauh a nih pawhin a hmaa ka lo rin dan thin anga big majority em em kha chu a beiseiawm tawh lêm lo niin a lang a. Inthlan hmaa kum la vei tur ni hlauh phei se la chuan neutral vote pawh a kiam nasa lehzual khawp ang tih a rin theih! Nimahsela, tun dinhmunah chuan beiseiawm ber chu a la nih tho hmel!!
*PC Party*
Anni hian Pu Vanlalruata an vawrh chhuak dâwn tih hi zanin Aizawl ka lo chhuk thlâk leh tawh hnua ka hriat thar chauh a nih avangin ka haw chhung zawng kha chuan Pu Ruata hming hi a lang lêm lova. Sawi zui em em tur pawh ka nei rih lo a ni.
Post a Comment
He post chungchanga i ngaihdan lo sawi ve rawh: