BSA in Parva High School chungchang Lawngtlai DC hnenah thlen

Aizawl | February 9, 2021: Parva khuaa high school kal mumal loh chungchangah Bawm Students Association (BSA) Parva III Branch hruaitute chuan nimin khan Lawngtlai DC Dr Andrew H Vanlaldika hmu-in an harsatna te an thlen.




BSA hruaitute chuan, Lawngtlai DC chuan Parva Khua chu alo vei ve em em a, hetianga H/S run a nih loh hi pawi a tiin, a rilru natthlak zia te a sawi a, hemi ni vek hian Lawngtlai DC chuan Lawngtlai DEO phone a be nghalin arang thei ang bera hma la turin a ngen nghal niin an sawi a.
Zirtirtute pawh an post-a an  awm vek theihnan hma lak nghal tiamin, zirna in (school) hawng a, class pangngai taka kalpui a, exam pawh neih ngei a nih theih nan DC Lawngai chuan hma lak vat a nih tur thu a sawi niin thudawnna chuan a tarlang.


Lawngtlai DC hian amah ngei Parva-ah kal a, tlawh a tum thu BSA Parva III branch te a hrilh bawk a ni.


BSA chuan, Parva a bikin, zohnahthlak chenna Parva III in zirna lam ah hma an sawn theihnan tiin theihtawp chhuahin hma an la mek zel a, tun ah hian an High School chu zirtirtute awm loh vangin class lak theih a ni lova hei hian khawtlang mipuite an rilru ana in, a hrilhhai thlak an ti hle a ni.

BSA chuan, "School building tha tak mai kan nei a, amaherawhchu school kal a numal loh avang leh zirtirtute an awm mumal loh avangin Parva hian kan tuar hle mai a, hmundanga H/S han zir tur chu keini tan chuan a harsa a, a nei fa ten an zira, a rethei fa in H/S pawh kan rap thleng ve thin lo a ni. Chumi anih avang chuan BSA parva-iii branch chuan theihtawp chhuahin hma ala a, school tha taka kal theih nan hma ala mek zel ani." tiin an tarlang.

BSA Parva III branch hian an khuaa zirlai harsate tanpuiin hma an la mek a, zirlai admission ti thei lote admission tihsak tumin an bei mek bawk a ni.


Parva III hi CADC huamchhunga Zohnahthlak te chenna khaw awm tlemte zinga pakhat a ni.

Post a Comment

2 Comments

  1. BSA Parva-III Branch hmalakna a chhhuanawm khawp mai,Excellence is a Choice greater than
    Limitation,BSA vul zel rawh se

    ReplyDelete
  2. An hmalakna a lawmawm thin khawpmai. Hmasawn zel Ka duhsak e

    ReplyDelete

He post chungchanga i ngaihdan lo sawi ve rawh: