registration certificate tel lova Ui zawrh, hralh leh inthlahpuntir khap

Aizawl | Feb 9, 2021: Animal Husbandry & Veterinary Department, Government of Mizoram chuan February ni 5, 2021 khan Mizoram chhunga Ui zawrh, hralh leh inthlahpuntir chungchanga mipuite hriattur leh zawm tur a hnuai a tarlan ang hian thupek an chhuah.


 "The Prevention of Cruelty to Animal Act, 1960" hnuaia dan siam, Dog Breeding and Marketing Rule, 2017 leh Pet Shop Rule,2018 te chu ni 23rd May 2017 leh 6th September, 2018 a hman tan tura duan a lo nih tawh angin, he dan hi Mizoramah hman tur a tih a ni.
He danin a phut angin Registration Certificate tel lo chuan, sumdawnna atan ui zawrh leh hralh emaw, inthlahpuntir (Dog Breeding) emaw hi khap tlat a ni.
Chu mai bakah Registration Certificate nei lo chuan ran dawr (Pet Shop) emaw, khawi hmunah pawh ran a mal emaw, a hlawmin emaw zawrh leh hralh phal a ni lo.
Registration Certificate hi Mizoram State Animal Welfare Board (MSAWB) ah dil theih a ni a. Dilna form hi Livestock Health & Disease Control Section, Directorate of Animal Husbandry & Veterinary Department, Aizawl ah leh District tin a, Animal Husbandry & Veterinary Officers Office-ah, man chawi tur bi tuk zat pawisa fai (Rs. 5,000/-) pe in emaw Demand Draft hmangin a lei theih ang. Form hi February ni 15, 2021 atangin pek chhuah a ni ang.
Registration Certificate tel lova ran hralh (Pet Shop), ui inthlahpuntir (Dog Breeding) ang chi reng reng kalpui mek te chuan he hriattirna a chhuah atanga ni 60 ral hmain Registration an ti vek tur a ni.

Post a Comment

0 Comments