Pawl 9 leh 11 in sikul lut tan

Aizawl | Feb 23, 2021: Covid-19 hrileng vanga kum khat dawn lai Mizorama Zirna In te khar a nih hnuah sawrkar ruahmanna angin nimin atang khan Pawl 9 leh Pawl 11 zirlaite chuan sikul an kai leh tan ta a.




Aizawlah chuan school hrang hrangin naupang awmkhawm lo turin ruahmanna an siam a, naupang te in kalchhawk tir an ni a, School Education Dept ruahmanna angin kutsilna te pawh dah a ni bawk a ni.
Lungleiah pawh Pawl 9 leh Pawl 11 zirlaite hian sikul an kai tan ve nghal a. Sawrkarin ruahmanna a siam angin Zirna In tinah  zirlai naupang leh thawktute chu an khua a sik leh sik loh ‘Thermal Screening Test’ neih vek a ni a. Hostel-a lut turte chuan Covid-19 natna an kai lo tih finfiahna lehkha an keng vek  a ni.
 Zirna In hrangah Pathian hnena lawmthu sawina hun an hman bakah zirtirtuten naupangte awm dan tur leh sawrkar ruahmanna zawm chunga zirna kalpui dan tur te an hrilhfiah a, Zirna In tam zawkah erawh chuan harsatna hrang hrang avanga sikul la kal tan ve lo naupang egemawzat an awm.
Lunglei Dist.-ah hian High School leh Higher Secondery School 162 a awm mek a ni.

- AIR Aizawl

Post a Comment

0 Comments