Mizoram College of Nursing (MCON) in NAAC Accreditation Grade-B hmu; Northeast Nursing College zinga NAAC Accreditation Grade-B hmu hmasa an ni!

Aizawl | Feb 18, 2021: Kumin February ni 11 & 12 khan National Assessment and Accreditation Council (NAAC) Peer Team chuan Falkawna Mizoram College of Nursing (MCON) chu a hmuna kalchilhin an zirchiang a, tehfung chi hrang hrang hmanga an teh hnuin February ni 15, 2021 tlai dar 5:03 khan NAAC Accreditation 'B' grade (2.39) a pe a, India hmarchhak (North-East Region) bikah chuan Nursing College mal din zingah NAAC Accreditation Grade-B hmu hmasa ber an ni.

Mizoram College of Nursing (MCON) hi Kum 1980 khan Nursing School - Civil Hospital, Aizawlah GNM Course zirna anga bul tan niin, he Nursing School hi kum 2005 khan B.Sc Nursing zirna College ah hlankai a ni a. Indian Nursing Council (INC) recognized niin, Mizoram University (MZU) hnuaiah kum 6 chhung temporary affiliation-a a awm hnuah Permanent affiliation pek a ni. Kum 2015 December thlah khan UGC 2(f) & 12(B) status pek a ni bawk.

Hostel

Kum 2018 khan Vice Chancellor, Mizoram University chuan MZU Affiliated College zawng zawng te NAAC Accreditation nei vek tura hriattirna a chhuah a, he thuchhuah hi MCON chuan a bawhzui nghal a. Health & Family Welfare Department hotute remtihna in, Mizoram College of Nursing (MCON) chuan NAAC Accreditation atan inbuatsaihna a kal tanpui nghal a. Kum 2020-a COVID-19 hripui leng avangin he inbuatsaihna hi nasa takin a khaihlak chungin theihtawp an chhuah a, February ni 11 & 12, 2021 khan NAAC Peer Team an hmachhawn a ni. NAAC Peer Team te hian ngun taka zirchianna an neih hnuah, ni February ni 15, tlai dar 5:03 khan NAAC Accreditation 'B' grade (2.39) chu an pe ta a ni.

MCON Logo

Tuna Mizoram College of Nursing dinhmun:

1.    Zirlai neih mek zat         - 117 .

2.    Zirlai Pass chhuak tawh zat     - 349.

3.    Placement: Heng zirlai pass chhuak tawh te hi Sawrkar, private, central leh Foreign ah te mi thahnem tak an thawk mek a. Heng bakah hian nursing line a kal ta lo- dan hremi te, Bank lam thawk te leh eizawnna kawng dang dangah mihlawhtling leh puitling tak tak mi engemawzat an awm mek bawk a ni.

MCON chanchin post hetah a awm.