COVID-19: Positive 3 hmuhchhuah belh; District pali-ah enkawl lai mi 20 awm mek!

   

•  Hri vei tamna ber Aizawl district-ah hri vei 10 awm mek!
• District pali-ah hri vei enkawl lai 20 an awm mek!
• District pariat; Siaha, Champhai, Kolasib, Serchhip, Mamit, Hnahthial leh Khawzawl district chu hri vei awm lohna district an ni rih.

Aizawl | February 16, 2021: Nimin khan Mizoram-ah hri vei 3 hmuhchhuah belh niin, Nimin khan dam tawh mi 1 in enkawlna hmun an chhuahsan bawk.

Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 0, TrueNAT hmangin positive 0 leh  Rapid Antigen test hmangin positive 3 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4399 niin, dam tawh mi 4369 an ni a, enkawl lai mi 20 an awm mek a, nunna chan zat hi mi 10 an ni.

Hri vei hmuhchhuah tawh zingah hian Mipa 3219 awmin, Hmeichhia 1180 an ni.

Tun dinhmunah Aizawl-ah hri vei tam berin 10 an awm mek a, Lunglei-ah 2, Lawngtlai-ah 6 awmin, Saitual district-ah 1  a awm bawk a ni.

Siaha, Champhai, Kolasib, Serchhip, Mamit, Hnahthial leh Khawzawl district chu hri vei awm lohna district an ni rih.

🔹️RAgT positive:

➡️ College Veng, Lawngtlai: Zirlai mipa kum 20, hostel-a a awmpui positive hmuhchhuah tawh nena in contact, symptom nei lo.

➡️Tuithumhnar, Lawngtlai dist: Zirlai mipa kum 19, hostel-a a awmpui positive hmuhchhuah tawh nena in contact, symptom nei lo.

➡️Sailutar, Saitual dist: Mipa kum 14, Manipur atanga lo haw, symptom nei lo.

🔹️Sample Test zawng zawng zat=973

➡️ZMC Lab: Aizawl- 93

➡️TrueNAT lab: Lunglei-3, Champhai-1, Lawngtlai-4, Hnahthial-20

➡️RAgT: Aizawl-441, Lunglei-21, Siaha-5, Champhai-9, Mamit-52, Kolasib-195, Serchhip-5, Lawngtlai-85, Khawzawl-10, Saitual-27, Hnahthial-2