India Chess rorel khawlin rorel nei; Mizoram chess aiawh tel

Aizawl | Feb 17, 2021: India ram chess insuihkhawmna pawl All India Chess Federation (AICF) chuan February ni 14 khan The Leela Ambience Convention Hotel, New Delhi ah Annual General Body Meeting leh Central Council Meeting an ṭhukhawm a, Mizoram Chess Association (MCA) aiawhin MCA Treasurer Zosangluaia, Ramhlun Vengthar a tel.





He meeting-ah hian kum 5 chhunga All India Chess Federation VISION DOCUMENT tlangzarh niin  North Eastern States 8 ten Chess game a hma an sawn theih dan turte, Kum 2024 a Chess Olympiad thlen dan tur, Women Grand Prix tournament, Kum tina North Eastern States huamchhung bika International Grand Master neih dan tur, 5 Biggest Chess Tournament neih dan tur, National Chess Tournament bika Sponsor thar tur zawn bakah thil dang tam tak an sawiho a ni.




Heng bakah hian North East Chess Forum ten an hmalakna atan kumtin cheng nuai 35 pek leh AICF affiliated Unit tinte kumtin cheng nuai 10 ṭheuh pek dan tur te sawiho a ni bawk.
       Meeting hian India hmeichhe Chess khelthiam Ms Koneru Humpy chu BBC Sports Person of the year a thlan an lawmpui bakah ramchhung School hrang hrangah CHESS chu zirlai pakhat a telh a nih theih dan tur leh Chess Players leh Coaches ten Arjuna Awards leh Dronacharya Awards tam zawk an dawn theih nana hmalak dan tur an sawiho bawk.

Post a Comment

0 Comments