Zofate inpumkhat nan Indo-Myanmar Border a Free Movement Regime (FMR) a taka hman a nih theih nan MSU in bawhzui zel tum

Aizawl | January 29, 2021: Mizo Students' Union, General Headquarters Aizawl chuan, Zofate inpumkhat nan leh Myanmar rama kan unaute nena inpawhna tha zawk kan neih theih nan FMR chu sawrkarin felfai takin ruahman thuai se an duh a, Mizoram khaw hrang hranga post an siamna tur te pawh chak zawkin thuam vat se a an duh tak zet thu an tarlang.

MSU chuan, January 20, 2020 a sawrkar laipui Home Ministry in Indo-Myanmar Border a Free Movement Regime (FMR) hman phalna a lo pek tawh chu a taka hman vat a nih theih nana MSU in Mizoram Chief Minister hnena October ni 18, 2020 a ngenna a lo thlen tawh chu bawhzui zel nise an ti.

He thu hi vawiin-a Mizo Students' Union, General Headquarters, Aizawl Executive Meeting vawikhatna chuan relin, meeting hi an pawl president J Lalmuanzuala’n a kaihruai. Meeting ah hian MSU Information Secretary Lalrampanmawia'n hunserh  hmangin, MSU Senior Adviser Pu James Lalchuanawma Kawlni-in online in MSU Calendar 2021 a tlangzarh bawk a ni.

MSU chuan, Zofate inpumkhat nan leh Myanmar rama kan unaute nena inpawhna tha zawk kan neih theih nan FMR chu sawrkarin felfai takin ruahman thuai se a duh a, Mizoram khaw hrang hranga post an siamna tur te pawh chak zawkin thuam vat se a an duh tak zet thu an tarlang.

Mizoram in ei leh bar zawnna kawngah leh ramri humhalhna kawngah hmasawnna chak zawk a awm theih nan Border area a khuate leh check post thuam thatna tur bik atan Budget dah a nih theih an beisei bawk a ni.

MSU din champha vawi 20-na, February chu College SU leh Hnampual hruaitute nen lawm ngei nise tiin an rel bawk.