AMC-ah BJP telna sawrkar siam tumin bei

Aizawl | January 29, 2021: BJP Mizoram Pradesh chuan AMC Election lo awm tur atan inbuatsaihna kalpui zelin, Nomination AMC Ward pakua(9) ah an file fel tawh thu leh AMC Sorkarah BJP telna Sorkar din a nih theih nan chaktakin hma an lak mek thu thuchhuah siamin an tarlang.

Ward hrang hrang ah Campaign kalpui niin, BJP Mizoram Pradesh President Pu Vanlalhmuaka chuan Campaign nei thinin, Pu Vanlalhmuaka chuan AMC  Election lo awm tur ah BJP chuan Candidate Pakua(9) chiah kan neih avangin mahni a Sorkarna siam theih ani dawn ta lova, nimahsela AMC Sorkarah BJP telna din anih theih nan theihtawp kan chhuah dawn a ni a ti. BJP telna Sorkar kan siam chuan, BJP leh kan thawhpuite tlinna bialah Union Minister for Housing and Urban Affairs Minister Pu Hardeep Singh Puri koh luh ani dawn a, AMC Ward a BJP tlinna leh an thawhpuite bial tan Central atangin a bik taka puih an ni dawn a ni a ti.

Pu Hmuaka chuan, AMC hi Central sum kaltlanga inenkawl anih avangin, AMC Councilor tena an Ward enkawlna tur bakah Central atanga hamthat bikna tur kan siam dawn avangin BJP telna Sorkar kan siam chuan chung Ward te tan hamthatna a tam dawn hle a, Manifesto ah chuan Pa 8 chauh kan dah a, khang bakah tihtur tamtak ruahmanna kan siam dawn avangin Ward vannei tak an ni dawn a ni a ti.

BJP kalphung leh nihna dik tak, Ram leh Hnam tana kan hnathawhte, ataka Aizawl khawpui chhunga miten kan hmuh hmasak theihna turin, AMC Election lo awm tur atana BJP Candidate te in Vote hlutak hmanga hnathawk thei tura min siam turin Aizawl Municipal Area mipuite ka sawm che u a ni a ti bawk.