YMA Inkhawmpui october-ah neih theih ngei beisei; hriatrengna lehkhabu hranpa aiah Bilkhawthlir chanchin buatsaih dawn

Aizawl | January 11, 2021: Kumin October thla a YMA inkhawmpui lo awm tur buaipuitu Organising Committee chu Bilkhawthlir North VC House ah an thukhawm a, inkhawmpui hi buatsaih theih ngei an inbeisei thu an sawi.



        Inrinni-a an inkhawm chu Organising Committee Chairman Pu Lalvuana Ngente chuan kaihruai in, Organising Committee OB te leh Sub-Committee hrang hrang 11 a Chairman leh Secretary te an tel a, Sub-Committee te hian an hmalakna theuh report an pek bakah sum dinhmun te tarlan a ni a, Organising Committee hian a pumpui-ah cheng nuai 6, sing 5, sang 5 leh 620 an thawk chhuak (la lut) tawh a, hemi atang hian cheng nuai 3, sing 6, sang 5leh 56 hmanral tawh a ni a, cheng nuai 2, sing 9 leh 565 hman ban a la awm thu tarlan ani. 
 An thurel thenkhat zingah kumin inkhawmpui-ah chuan Souvenir hranpa siam loh nise, Souvenir aiah Bilkhawthlir khaw din dan, leh a khaw chanchin te fiah fai taka chhu chhuakin, inkhawmpui palaite sem nise, an ti a ni.

- AIR Aizawl

Post a Comment

0 Comments