Mizoram-a Missionary hmasa ber lo thlen champha phak Missionary day

Aizawl | January 11, 2021: Vawiin hi Mizoram-a Missionary hmasa ber lo thlen champha phak, “Missionary Day” a ni a, sorkar pisa chawlh a ni.







Missionary Day lawm hian Baptist tualchhung Kohhran hrang hrang te'n awmni khamin inkhawm leh Inpawlhona/zaikhawm-in hun an hmang thin a. Kohhran tam zawk chuan he Ni-ah hian Missionary Day lawmna ruai leh sawhchiar te buatsaihin awmni khamin hun an hmang thin a ni. Kumin Missionary Day-ah hian kohhran hmunpui atangin zing lam leh zan lamah thupui hran buatsaih a ni a. Zing inkhawm thupui-ah  “Lalpaah chuan lawm fo rawh u” hman a tura tih a ni a, Zan lam inkhawm thupuiah “Lalpaa lawm, kan chakna”  tih a ni ang. Bible chhiar tur thlan sa pahnih leh Tawngtai rual thupui panga siam sa a ni bawk.

art by PC Hras


 Hetihlai hian Covid-19 hrileng laka mipuite himna atan Sorkarin inkhuahkhirhna dan a siam avangin Inkhawm leh inpawlhona lam te a tih theih ta loh a. Kohhran hoten mahni remchan ang leh Sorkar Inkaihhruaina bawh pelh lo va hmang thei te tan erawh thupui leh programme siamsa te hmanga he hun pawimawh tak hi hmang thei an awm chuan BCM Headquarters chuan a lawmawm hle ang, a ti a ni. 
 Mizoram Presbyterian Kohhran chuan he ni hi missionary lo hmasa lo thlen champhaphak-ah pawm tawh lo mahse, kohhran din tan ni a ni ah a pawm a. Tum hnih inkhawm tura ruahmanna siam niin "Mizoram Presbyterian Kohhran leh Harhna" tih leh "Mizoram Presbyterian Kohhran ringtute tih tur" tih thupui te zirho tura ruahman a ni. Kohhran Ni pawimawh a nih avangin Synod Office leh Synod hnuaia department hrang hrangte khar a ni ang.

Post a Comment

0 Comments