COVID-19: hri vei mi pakhat hmuhchhuah belh; enkawl lai mi 92 awm mek!

  • Hri vei tamna ber Aizawl district-ah hri vei 69 awm mek!
  • Siaha, Champhai, Mamit, Khawzawl leh Hnahthial district chu hri vei awm lohna district an ni rih.

Aizawl | January 11, 2021: Nimin khan Mizoram-ah  COVID-19 positive 1 hmuhchhuah belh a ni a, Nimin khan dam tawh mi 6 in enkawlna hmun an chhuahsan bawk.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 0, TrueNAT hmangin positive 1 leh  Rapid Antigen test hmangin positive 0 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4293 niin, dam tawh mi 4192 an ni a, enkawl lai mi 92 an awm mek a, nunna chan zat hi mi pakua an ni.
Hri vei hmuhchhuah tawh zingah hian Mipa 3148 awmin, Hmeichhia 1145 an ni.

Tun dinhmunah Aizawl-ah hri vei tam berin 69 an awm mek a, Lunglei-ah 10, Lawngtlai-ah 8 awm lehin,  Serchhip 1,  Kolasib 3, Saitual -1, an awm bawk a ni.
Siaha, Champhai, Mamit, Khawzawl leh Hnahthial district chu hri vei awm lohna district an ni rih.

TrueNAT positive:
➡️Lunglei: BSF sipai 1, kum 30, 199 Bn BSF mi leh sa, tunhnaia Assam atanga lo lut, quarantine mek, symptom nei lo

Sample Test Dan:
➡️TrueNAT lab: Lunglei-35 leh Siaha-31
➡️RAgT: Aizawl-32, Siaha-1, Mamit-14 leh Kolasib-97

Post a Comment

0 Comments