Aizawl | January 16, 2021: Mizoram sawrkar chuan vawiin khan hripui laka mipui him nana inkaihhruaina thar a tichhuak a. He thuchhuak hian Sakhaw biakbuk leh zirna in thenkhat hawn phalna a pe a. Tin, Aizawl bikah lirthei intlanchhawk dan a tidanglam bawk.
Sawrkar thuchhuah ang chuan, Mipui punkhawm theihna hrang hrangah bituk siamin punkhawm a phal a. Sakhaw biak buk-ah pawh Pathianni leh Inrinni chhunah inkhawm theih niin, Mihring erawh 200 pelh phal a ni lova, hun dangah erawh inkhawp hi khap rih a ni.
Sawrkar thuchhuahin a tarlan danin, Lirthei intlanchhawk dan tur-ah superintendent of Police (Traffic) in lirthei tlan dan tur ruahmanna asiam Notification No.RO/TRF/SP-NoIi-7/08 /574 dated 31.07.2O2O angin lirthei intlanchhawk a ni ang a. Intlanchhawk hian 9:OO AM atanga 4:30 PM thleng a huam dawn a ni.
Lirthei intlanchhawk dan July 31, 2020 a tihchhuah-ah chuan Thawhtanni(Monday) ah Registration 1 leh 2 a tawp te an tlan chhuak lo ang a. Thawhlehni(Tuesday)ah 3 leh 4 a tawp, Nilaini (Wednesday) ah 5 leh 6 a tawp, Ningani(Thursday) ah 7 leh 8 a tawp leh Zirtawpni(Friday) ah 9 leh 0 a tawp te a ni.
Inrinni (Saturday) ah Lirthei engpawh tlan chhuah phal a ni.
Intlanchhawk dan turin a huam leh huam loh turte HETAH hian a kimchangin dah a ni.
Sawrkar thuchhuah kimchang HETAH kan dah e.
Post a Comment
He post chungchanga i ngaihdan lo sawi ve rawh: