Sr. SP Traffic thuchhuak, Aizawl khawpui chhunga lirthei intlanchhawk dan tur

Disaster Management and Rehabilitation Department, GOM Order No.B.13021/101/2020-DMR/Vol-III Dt. 16.1.2021 tlawhchhanin Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin, Sr.SP Traffic chuan a mipuite tana remchan zawk nan Aizawl khawpui (AMC area) chhungah thuleh awm hma chu lirthei intlanchhawk/indinchhawk dan tur a hnuai ami ang hian thupek thar ka chhuah e.
 
INTLANCHHAWK DAN TUR LEH A HUAM CHIN TUR
 
1.    Intlanchhawk hian mimal motor leh Sorkar motor, Two-Wheeler zawng zawng (exempted bik tihloh chu) bungraw phur lirthei zawng zawng a huam ang. 
 
2.    Lirthei registration number tawp ber te tlanchhuah theihloh ni chu hetiang hi a ni ang :-
Thawhtanni(Monday) ah Registration 1 leh 2 a tawp 
 
 Thawhlehni(Tuesday) ah Registration 3 leh 4 a tawp 
 
 Nilaini(Wednesday) ah Registration 5 leh 6 a tawp 
 
 Ningani(Thursday) ah Registration 7 leh 8 a tawp 
 
 Zirtawpni(Friday) ah Registration 9 leh 0 a tawp 
      
 Lirthei intlanchhawk hian Zing dar 9:00 atanga Tlai dar 4:30 inkar chhung a huam ang. 
 
3.    Lirthei Intlanchhawk hian Inrinni (Saturday) leh Pathianni (Sunday) bakah Sorkar Holiday-te a huam lovang. 
 
4.    Mizoram District dang lirthei zawng zawng te, State pawna lirthei register te, Private Motor leh Bungraw phur motor Aizawl khawpui chhunga awm leh rawn tlan lut tur reng reng te pawh intlanchhawk hian a huam ang. 
 
5.    Taxi bik chu Sticker A, B leh C hmanga intlanchhawk kalpui mek ang hian Zing Dar 9:00 atanga Tlai Dar 6:30 inkar an intlanchhawk ang. Inrinni (Saturday) bikah Chawhnu Dar 1:00PM atangin Taxi-te hi an vaia tlanchhuah phalsak an ni. Pathianni (Sunday) leh Sorkar Holiday ah chuan Taxi te hi an vai a tlanchhuah phalsak an ni ang.   
 
6.    Two Wheeler Taxi bik chu Sticker A, B, C, D leh E hmanga an tlan dan tur kalpui mek ang hian Zing Dar 9:00 atanga Tlai Dar 6:30 inkar ah an tlan ang. Inrinni (Saturday) bikah Chawhnu Dar 1:00 atangin tlangdung kawngpui (Main Spine/artery) ah an vai a tlanchhuah phalsak an ni. Pathianni (Sunday) leh Sorkar Holiday ah chuan Two Wheeler Taxi te hi an vai a tlanchhuah phalsak an ni ang.    
 
A HUAMLOH TUR TE
1.    Governor, Chief Minister leh Speaker-te (an carcade tiamin) a huam lovang. 
 
2.    Gauhati High Court Judge te a huam lovang.   
 
3.    Public service vehicle (passenger phur chi lirthei) City Bus/ Bus, Maxi Cab/ Sumo (State dang registered huamin), Auto Rickshaw, Institution Bus, Department Bus. 
 
4.    Police Department motor duty, Traffic Police duty-te, Fire (F&ES) motor, Excise & Narcotics motor duty, Medical & Hospital Emergency duty, Ambulance/Morgue van, Executive Magistrate law and order duty leh emergency duty, Disaster Management hnuaia emergency duty te, Media mi te (MJA sticker tar te chauh), PHE emergency duty leh PHE tuisem, P&E emergency duty, Bawnghnute sem, Chanchinbu sem, AMC hnuaia Bawlhhlawh paih (Garbage) motor duty, Army leh Para-Military Force, Government Department/Office Despatch Rider-te. 
 
5.    Rualbanlote tana Special Vehicle-te a huam lovang. 
 
6.    District dang atanga Sorkar thil pawimawha duty-te, Law & Order leh Essential Commodities duty-te chu Aizawl Traffic Police-te an hrilh hmasak hnuah an lirthei tlan dan tur ruahmansak an ni ang. 
 
7.    HMV/MMV leh a chunglamte: Sairang atanga Zemabawk (NH-54) lama tlan tlang tur te chu Zing Dar 7:00 atanga Chawhnu Dar 1:00 inkarah an tlan thei ang. Tin, Zemabawk lam atanga Sairang lama tlan tlang turte chu Chawhnu Dar 1:30 atanga a tuk zing Dar 7:00 inkarah an tlan tlang  thei ang. 
 
Tin, Aizawl khawpui chhunga “Entry Period” neia lirthei tlan thin te chu a hnuai ami ang hian an tlan chhunzawm ang. 
 
1. HMV/MMV ENTRY PERIOD:              
    AIZAWL CITY                 :          8:00 PM      –      7:00 AM 
VAIVAKAWN TO TEMPLE :          8:00 PM     –      11:00 PM  
TEMPLE TO VAIVAKAWN :           11:30 PM  –      6:30 AM 
2. TIPPER  (SK/LPK (407)/ :          10:30 AM     -     4:00 PM  
LOAD (KING/SML  etc.) ENTRY PERIOD 6:00 PM     -      8:30 AM 

A chunga a huam loh tur sawi bakah hian eng emaw hriatlawkloh Emergency case leh tul bik tak tak thil ah chuan SP Traffic Office, Treasury Square ah leh Aizawl Traffic Control Room Phone Number: 0389-2322307/ 2313061/ 9366553559 ah te Lirthei tlan phalna Permit hi dil theih a ni ang.

- DIPR 

Post a Comment

1 Comments

  1. You have done good work by publishing this article here. I found this article too much informative, and also it is beneficial to enhance our knowledge.Traffic Control Course Online Grateful to you for sharing an article like this.

    ReplyDelete

He post chungchanga i ngaihdan lo sawi ve rawh: