Hri danna pek chhunzawm dawn; Co-WIN app-in vaccine la turte hriattirna pe

Aizawl | January 18, 2021: Mizorama Covid-19 hri danna pek chhoh turah a dawngtu turte chu sorkar laipuiin inkaihhruaina a siam anga kalpui chhovin vawiinah pek chhunzawm tur a ni ang.


Covid-19 hri danna pek chungchanga sorkar thupuangtu Dr Lalzawmi’n a sawi danin Ministry of Health and Family Welfare duhdan angin Co-WIN app-ah hri danna la tu tur te thunluh sa vek an nia, heng ho hi healthcare worker te, frontline worker te an ni a, anni dawt ah hian kum 50 chunglam te, kum 50 hnuailam natna benvawn nei ho te chu pek hmasak tur pawl an ni dawn a ni.

  Co-WIN app hian a tahtawlin mitinin an lak theih hun hriattirna a pe a, Co-WIN app ah hian pin code a zirin, pin code hnuaia thawktute awm hming a lo lang a, automatic in a indawt in app hian a thlangchhuak dawn a. Dr Lalzawmi chuan Co-Win app a mahni nihna lanna upload a ni a, thlan an nih chiah khan anmahni phone number pekah sms an dawng a ni.

Tunah hian Mizoram bikah mi Sing 1, Sang 4 chuang he app ah hian an inziaklut tawh a, hridanna hi dose Sing 1 Sang 8, zanga a lo thleng a, mi pakhat in dose 2 zel lak tur a ni a, tunah hian a dawngtu tur upload tawh hi a la daih dawn lo a ni. A bo a bang awm lova pek theih a nih chuan mi 9,325 daih tura ngaih a nih thu a sawi bawk a. Tunkar lo awm tur atang hian district hrang hrangah pek chhuah tan a ni dawn a, tun thla chhungin a daih chin chu pek zawh hman an in beisei thu a sawi.

- AIR Aizawl

Post a Comment

0 Comments