Naupang zaithiam Esther Hnamte kut-ah Dalmia Young Archiever Award

Aizawl | January 15, 2021: India rama company hlun tak mai vawiinni-a kum 91-na hmang mek bawk Dalmia Cement company chuan Mizo naupang zaithiam Esther Hnamte hnenah Dalmia Young Achiever Award, Citation, Trophy leh pawisa engemawzat cheque-in an hlan.


Dalmia cement company te hian Dalmia Young Achiever Award dawng tur thei tur hi kumtin India ram State hrang hrang ațangin zaithiam, mi huaisen, lehkhathiam, thil siam thiam, Journalist etc..ațang tein a thlang chhuak țhina, chung state hrang hrang ațanga thlanchhuah te chu(miss kan thlan ang tho hian) thlifim leh țhinin kumin hian Esther Lalduhawmi Hnamte hi he award hlu tak mai dawng tur hian thlanchhuah alo nita a ni.

Covid-19 hrileng vanga kan boruak a hetih tak avang hian Estheri hi an semna hmunah tak pawh kal thei lovin he award hlu tak mai Dalmia Young Achiever Award hi 12th January 2021 khan Aizawl ah an hlan ta a ni.

Hetiang dinhmuna a din theih chhan chu in support-na țhat vang leh in la support zelna vang chauh ani tih kan hriatin he group kaltlang hian lawmthu kan sawisaka, a kal leh zelna tura support chhunzawm zel turin kan han sawm sak nghal bawk e.
Esther Hnamte hian YouTube-ah he chanchin kan buatsaih lai thleng hian hla 5-ah Million views anei meka chungte chu:
1. Maa Tujhe Salam / Vande Mataram
(44+lakh Views)
2. Dilna Hlawhtlintirtu ( 25+lakh views)
3. A hmangaihna a lo ni ( 11+lakh views)
4. One Day At A Times ( 16+lakh views)
5. The Greatest Gift Of All ( 13+lakh views) 👈Esther Hnamte ft R. Lalramchhana
Esther Hnamte hian tunah hian Youtube-ah Subscriber 2.84+lakh nei mekin Instagram ah pawh 25K Followers a nei mek bawka, IG account bik hi Leitlangpui zaithiam Sangpui Hlando in a enkawl(run)sak thung ani, Mizo Zaimi Inzawmkhawm(MZI)member naupang ber ni mekin, MZI ah hian life member ani nghe nghe a, Mizo naupang zinga million views neithei hmasa ber leh awmchhun nimek a nih bakah Mizo zaithiam million views 5 ngawt mai neipha mi tlemte zingah a awm vânga, a hla million views a neihna te hi kum 1 pawh tlinglo chunga a neih vek ani bawk a ni.

Post a Comment

0 Comments