AR-in Ruihhlo do beihpui thlak; Anti-Drug campaign mascot atan Esther Hnamte

Aizawl | January 15, 2021: 46 Assam Rifles huaihawt Ruihhlo Do Campaign thawh hnihna chu vawiin khan Home Minister Pu Lalchamliana hovin Aizawl Sipai Lammualah neih a ni.

Thusawiin Home Minister chuan Mizoramah Excise leh Police Department bakah Assam Rifles ten ruihhlo do kawngah tha an thawh hlawk hle a ti a, an ni piah lamah NGO hrang hrang ten tan an la nasa thin chu lawmawm hle a ni a ti a, NGO leh Kohhran ten a bikin tha thawh zual thei se a hlawk hle ang, a ti. 

Hei bakah hian khawchhak lama ruihhlo lo kal check leh  lo dap chhuah kawngah tan lak a ngaih thu a sawi bawk a,  Assam rifles te hemi kawngah hian an thawh tha hle a, hei aia nasa zawk hian tan an  la lak theih a rin thu a sawi a, a kawng berah a lo kal tlang theih loh chuan nasa takin a tlem ang tih a rin thu a sawi bawk a ni. 

Assam Rifles buatsaih Ruihhlo Dona hi thawh 4-na thlenga ruahman a ni a, Mizoram hmun hrang hrangah Awareness Campaign hi neih tur a ni a, vawiin khan Naupang zai thiam Esther Hnamte, Mascot of Anti-Drug campaign chuan khaw hrang hranga kar khat chhung Road show nei turin a chhuak a ni.

- AIR Aizawl

Post a Comment

0 Comments