BJP in AMC candidate thawh khatna pariat puang; member thar mi 50 chuang lawmlut

Aizawl | January 15, 2021: BJP Mizoram Pradesh chuan Vawiin 15th January 2021 (Friday) hian BJP Mizoram Pradesh State Office hawnna leh AMC Candidate tur First phase puanna leh Member thar lakluhna hun hman a niin, he hun hi Pu JB Rualchhinga State Vice President in kaihruaiin, Major Lalsawmliana'n hunserh a hmang a, Pu R Vanramchhuanga General Secretary in Report pein, Pu Vanlalhmuaka State President in member thar lakluhna hun neiin, AMC Candidate Search Committee Secretary Pu P Sanghmingthanga State Secretary in AMC Election lo awm tur a BJP Candidate turte puanna hun hmang bawk.


Pu Vanlalhmuaka chuan, BJP Mizoram te chu Ram leh hnam tana hnathawk tur a inpe kan nih angin kumthar atan rilru thar nen inbuatsaih ang vek turin ka sawm a che u a ti a, BJP hi mitam takin Sum leh nihna beiseiin an lut thin a, nimahsela an beisei ang sum leh nihna te an hmuh loh chuan reilo te ah an chhuahsan leh mai thin a ni a ti.

Pu Hmuaka chuan, BJP Party kan innghahna tur chu, Pathian thu in "He rilru Krista a awm bawk kha nangmahni ah awm rawh se", a tih angin, BJP Member zawng zawngte chu Krista rilru pu chunga Mizoram leh hnam dinchhuahna tur a tana hnathawk tur in ka chah duh che u a, BJP Hruaitu te leh Member te hi miropui leh thilti thei tak tak tenkan ni lemlo a, leh mi lian tu mah kan awm lo a, Pathian in hruaitu atan mi ropui leh thil ti thei chauh thlang lo va keini mi chhe te te min thlang hian thil tum pawimawh tak a neih ngei a rinawm a kan zamlo ani. Pathian kan lam ah a tan avangin Pathian chakna ringin kan kal zel anga, Mizoram siam tha tur hian keini hi Lalpan minla hmang ngei ngei dawn a ni a ti.

Pu Hmuaka chuan BJP Pu Modia thingpui sem thin tuna India Ram Prime Minister kaihhruai mek chuan, Mirethei leh harsa te Lo neitu te tana ahnathawh ropui tak hi kan hmu mek a, tun hma a mipui chan tur tam tak Sorkar hnathawk ten an lo lakthen sak ang chi awm tawh lovin, Direct in an account ah pawisa lo lut thin ringawt pawh hi Sorkar hnathawk tam tak chuan an haw viau mai thei a ni. Nimahsela Pu Modi chuan mi in a chantur dik tak a chan hi a duh avangin engkim langtlangin a awm tawh a, mipui tan a lawmawm hle a ni a ti.

Pu P Sanghmingthanga State Secretary AMC Candidate Search Committee Secretary chuan AMC Candidate tur te puan na hun khatna a nei a heng mi te hi an ni.

1. Ward No-I:  Pu Lalbiakzuala, Durtlang Veng.

2. Ward No- IV: Pu Vanlalhuma Kawlni Ramhlum South.

3. Ward No- V: Pu Chawnghmingthanga, Zarkawt Veng.

4. Ward No-VI: Pu K. Sangzuala, Edenthar Veng.

5. Ward No-VII: Pu. C Lalnunmawia, Zemabawk.

6. Ward No-IX: Pu Ngursailova Sailo, Dawrpui West.

7. Ward No-X: Pi.Elizabeth Colney, Zotlang.

8. Ward No-XI: Pu C. Lalrinawma, Tuivamit.

te niin, AMC Candidate turte chu Pu Vanlalhmuaka chuan AMC Candidate tur an nih lawmpuina lehkha a hlan bawk.


Post a Comment

0 Comments