Miss India Universe 2020 Adline Castelino in Northeast culture leh tradition a ngaihlu; Hmar puan 'Thangsuopuon' design thawmhnaw inbel

Aizawl | January 15, 2021: Miss Universe 2020/21 thlanna a India aiawhtu tur Miss India Universe Adline Castelino chuan India hmarchhaka cheng te culture leh tradition chu a ngaihlu tih sawiin, khawvel hriata promote zel tlak a ni a ti.


India ram Culture hrang hrang inanglo tak takte zirchianga, a hlutna hria a, tuna khawvel hriata phochhuah la nilo te pawh phochhuah zel a țul tih a sawi.



Adline hian a thlalak thar berah Zohnahthlak Hmâr hnam puan 'Thangsuopuon' zia entawn a design thawmhnaw a inbel a, he a thawmhnaw hi Hmâr designer lâr tak David Ngaite kutchhuak niin, Adline hian a mawipui hle a ni.


Adline hi Miss India winners ațanga India hmârchhaka chengte culture leh tradition hlutna hmuhpui thiam leh a hlutna te pawchhuak tura hma latu a ni hi Adline kan ngaihsanna chhan tur pakhat a ni ngei ang. Northeast mai pawh ni lo, Zohnahthlak hnam ziarang pholangtu a nihna hi kan duh bur chhan tur a ni bawk awm e.


Adline Castelino hi Kuwait a piang a ni a, tunah Bangalore ah chengin, Kristian chhungkua ațanga seilian a ni.


Adline hian India ram cultural diversity bakah loneitute ngaih pawimawh hi a thupui ken te zinga mi a ni a, lo neitute tel lovin kan dam khawchhuak thei lova, ngaih pawimawh an ngaih zia leh an mamawh phuhruk na kawnga sawrkar leh mipuite pawn kan tihtur kan tih angaih zia a tlangaupui nasa em em a ni.


Kumin 2021 a Miss Universe 2020  thlanna lo awm turah Adline Castelino hian India ai a awh dawn a. India tân placement a hmu chhunzawm thei angem tih chu pageant expert te thlir leh ngaihven ber a ni.

Pageant Expert and Analyst


(Feedback at: admin@exploremizoram.com )



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post