Aizawl | January 22, 2021: Mizoram Police Raising Day vawi 50-na vawiin khan Mizoramah hman a ni a, a lawmna pui ber Aizawl a Police Hq Arya Mess-ah chuan Mizoram Police DGP SBK Singh-in a hmanpui a.
Pu SBK Singh-a chuan Mizoram Police te hmalakna hrang hranga hlawhtling te chu a lawmpui thu sawiin Mizoram Police te chu tunlai thiamna hmang tangkai thiam tur leh ruihhlo dona kawnga chak taka hmala turin a chah a, Sualna leh pawikhawihna chhui kawngah Mizoram Police te chu thangharh tura chahin ruihhlo laka anmahni fihlim turin a chah bawk.
Mizoram DGP chuan Mizoram Police te chu in tuaithar a, theihtawpa ram venhimna kalpui zel turin a chah bawk a ni.
Mizoram Police Raising Day hi Lunglei District ah pawh SP Pu Stephen Lalrinawma hovin hman a ni a, heta tarlan anih dan chuan, British ho in India ram an awp lai atangin Police te hi Mizoram ah awm tawhin Mizoram a Police Station hmasaber chu Tlabung Police Station a ni a, kum 1889 a din a ni. Tuna Lunglei Police Station hi kum 1900 khan Police Out Post atana din a ni a, Tun dinhmun ah Mizoram chhung ah Police Station 40, Special Police Station 3 leh Out Post 16 a awm mek a ni.
- AIR Aizawl | DIPR
Post a Comment
He post chungchanga i ngaihdan lo sawi ve rawh: