COVID-19: Hri vei pathum hmuhchhuah belh; enkawl lai mi 64 awm mek!

   

  • Hri vei tamna ber Aizawl district-ah hri vei 52 awm mek!
  • Champhai, Mamit leh Hnahthial district chu hri vei awm lohna district an ni rih.

Aizawl | January 22, 2021: Nimin khan Mizoram-ah hri vei 3 hmuhchhuah belh niin, Nimin khan dam tawh mi 8 in enkawlna hmun an chhuahsan bawk.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 1, TrueNAT hmangin positive 0 leh  Rapid Antigen test hmangin positive 2 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4349 niin, dam tawh mi 4276 an ni a, enkawl lai mi 64 an awm mek a, nunna chan zat hi mi pakua an ni.

Hri vei hmuhchhuah tawh zingah hian Mipa 3183  awmin, Hmeichhia 1166 an ni.

Tun dinhmunah Aizawl-ah hri vei tam berin 51 an awm mek a, Lunglei-ah 3, Lawngtlai-ah 4 awm lehin,  Siaha- 1, Kolasib 3, Khawzawl- 1 an awm bawk a ni.
Champhai, Mamit, Saitual leh Hnahthial district chu hri vei awm lohna district an ni rih.


🔹️ZMC RT-PCR positive:
➡️Republic Veng:Hmeichhia kum 23, West Bengal atanga lo haw. Home quarantine lai, symptom nei lo.

🔹️RAgT Positive:
➡️ Siaha:Hmeichhia kum 16, School lut tura Aizawl-a lo kal. Private Hospital pakhat sample in test, symptom nei a ni a, hri a kaina chhui mek a ni.

➡️Chawlhhmun:Mipa kum 16, zirlai naupang school tan dawn avanga sample test, symptom nei lo, hri a kaina chhui mek.

🔹️Sample test dan:
➡️ZMC Lab: Aizawl-87
➡️TrueNAT lab: Lunglei-94, Siaha-1, Champhai-3, Mamit-23, Kolasib-7, Serchhip-43, Lawngtlai-28, Saitual-2, Hnahthial-4
➡️RAgT: Aizawl-420, Lunglei-188, Siaha-25, Champhai-58, Mamit-28, Kolasib-161, Serchhip-2, Lawngtlai-134, Saitual-13 leh Hnahthial-4

Post a Comment

0 Comments