Aizawl | January 5, 2021: Mizoram sawrkar chuan Ngopa, Kawrthah leh West Phaileng-te chu khawpui-ah a puang!
Urban Development & Poverty Alleviation Department chuan December ni 28, 2020 khan sawrkar hriattirna chhuahin Ngopa, Kawrthah leh West Phaileng te chu ‘Notified Towns’ ah an puang niin sawrkar thuchhuah chuan a tarlang.
He khawpui-a puanna hi Mizoram Council of ministers December 22, 2020 a thukhawm thurel bawhzuina a ni.
Heng khawpuia puan takte hi India chhiarpui 2011 (census 2011) in a tarlan danin mihring 5000 an cheng tling lo vek a, census 2011-ah chhungkaw sang khat tlinna a awm lo.
Census 2011 tarlan danin, Kawrthah khua-ah hian chhungkaw 616 chengin, mihring 2,812 an awm a, an zinga 1428 hi mipa niin, 1384 hi hmeichhia an ni. Literacy rate hi 95.07% a ni.
West Phailengah hian chhungkaw 864 chengin, mihring 4,377 an awm a. An zinga 2280 hi mipa niin, 2097 chu hmeichhia an ni. Literacy rate hi 96.40% a ni.
Ngopa-ah hian chhungkaw 945 chengin, mihring 4,155 an awm a. Heng zinga 2,168 hi mipa niin, 1,987 chu hmeichhia an ni. Literacy rate hi 95.91 a ni.
Post a Comment
He post chungchanga i ngaihdan lo sawi ve rawh: