COVID-19: Positive mi 13 hmuhchhuah belh; Dam tawh mi 4153 tling tawh!

• Hri vei tamna ber Aizawl district-ah hri vei 54 awm mek!
• Champhai, Siaha, Mamit, Saitual leh Khawzawl district chu hri vei awm lohna district an ni rih.

Aizawl | January 6, 2021: Nimin khan Mizoram-ah  COVID-19 positive 13 hmuhchhuah belh a ni a,  dam tawh mi 6  in enkawlna hmun an chhuahsan.

Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 7, TrueNAT hmangin positive 0 leh  Rapid Antigen test hmangin positive 6 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4247 niin, dam tawh mi 4153 an ni a, enkawl lai mi 86 an awm mek a, nunna chan zat hi mi pariat an ni.

Hri vei hmuhchhuah tawh zingah hian Mipa 3119 awmin, Hmeichhia 1128 an ni.

Tun dinhmunah Aizawl-ah hri vei tam berin 54 an awm mek a, Lunglei-ah 18, Lawngtlai-ah 6 awm lehin,  Serchhip 3,  Kolasib 4, Hnahthial-1, an awm bawk a ni.

Champhai, Siaha, Mamit, Saitual leh Khawzawl district chu hri vei awm lohna district an ni rih.

💠ZMC RT-PCR positive:

➡️SLT Infracon Pvt. Ltd: Mipa 2, kum 22 & 32, Bihar atanga lo kal, SLT Infracon Pvt. Ltd. mi. leh sa anmahni camp Maubuanga Quarantine lai mek, symptom nei lo.

➡️Tuikhuahtlang: Hmeichhia kum 63, home quarantine lai, symptom nei lo.

➡️Salem: Mipa kum 36, Delhi atanga lo kal, home quanrantine lai, symptom nei lo.

➡️BSF: Mipa kum 33, Delhi atanga lo kal, Quarantine Facility-a awm mek, symptom nei lo.

➡️Assam Rifles : Mipa kum 33, Kolkata atanga lo kal, Zokhawsang qf a awm mek niin, symptom nei lo.

➡️Falkawn: Mipa kum 35, home quarantine lai, symptom nei lo.

💠RAgT positive:

➡️Maubawk: Mipa 3 & Hmeichhia 3, kum 10-43 inkar, nimina positive hmuhchhuah chenpuite niin, symptom an nei vek a ni.

💠Sample test dan:

➡️ZMC Lab: Aizawl-351

➡️TrueNAT lab: Lunglei-91, Champhai-2, Mamit-3, Kolasib-4, Serchhip-7 leh Saitual-8

➡️RAgT: Aizawl-165, Lunglei-11, Siaha-2, Champhai-45, Mamit-10, Kolasib-117, Serchhip-24 leh Saitual-33