Kum 2020 chhungin Lunglei district transport-in Lirthei 2122 ziaklut; vaibelchhe hnih chuang revenue hmu

  • kum khat chhungin two wheeler ziah luh thar 1425 awm!
Aizawl | January 5, 2020:  Lunglei District Transport Office chuan January atanga December, 2020 chhungin lirthei 2122 register-in, Hemi hun chhung vek hian  revenue cheng 2,55,92,876 an hmu a  ni.

Lunglei Venglai | lunglei.nic.in

Heng revenue hi Passenger Tax, Goods Tax, Parking Fee, Bus Ticket hralhna  leh a dangte atanga hmuh niin Lunglei district transport officer Carolyn LB Khiangte-in report a pek-ah tarlan a ni.

Nikum January atanga December, 2020 chhung khan Lunglei District Transport Office hnuaiah Lirthei 2122 register a ni. Heng zingah hian sawrkar ta pariat leh sawrkar ta ni lo 2114 a awm a ni.

Sawrkar lirthei pariat ziahluh niin, bungraw phur chi pathum, Ambulance 1, Lei laihna (excavator) 3 leh car pakhat a ni a.

Ziahluh zingah hian Sawrkar ta ni lo lirthei  2114 awmin, two wheeler 1425, Auto rickshaw 144, bungraw phur chi 136, taxi 9, Bus 1, Ambulance 1, Dumper 1, excavator 6,  motor car 388, tractor 1 Rental 1, Recovery van 1 te an ni.

January – December 2020 chhungin license 4131 pekchhuah niin,  Driving Licence – 1000 leh  Learner Licence– 3131 pekchhuah a ni.

January – December 2020  Chhunga Passenger motor permit pek chhuah thar 146 awmin, Auto rickshaw a tam bera 128 niin, Maxi cab in zuiin 10 a ni a, taxi hi pasarih niin, Town bus tur register hi pakhat a ni bawk.

Report-in a tarlan danin, Garage Checking pawh kalpui niin November 2020 aṭangin Lunglei khawpui chhunga lirthei register thar tur ten garage an nei ngei a ni tih an awmna VCP hriatpuina lehkha bakah Enforcement Staff ten an garage awmna hmunah spot verification an nei thin a ni.

Lungleiah hian MST Bus 4(pali) a awm mek a. Nitin Lunglei – Aizawl leh Aizawl – Lunglei Bus 2 (pahnih) an service thin.  Kumin 2020 hian hripui leng Covid-19 avangin zin veivah a remchang lova MST Bus te pawh 30.03.2020 thleng an service a. Lockdown hnuah service chhunzawm a nit a rih lo a ni.

Post a Comment

0 Comments