COVID-19: Positive 6 hmuhchhuah belh; enkawl lai 40 awm mek

  

• Hri vei tamna ber Aizawl district-ah hri vei 31 awm mek!
• Champhai, Serchhip,  Mamit, Saitual leh Khawzawl district chu hri vei awm lohna district an ni rih.

Aizawl | January 31, 2021: Nimin khan Mizoram-ah hri vei 6 hmuhchhuah belh niin, Nimin khan dam tawh mi 5 in enkawlna hmun an chhuahsan bawk.

Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 0, TrueNAT hmangin positive 0 leh  Rapid Antigen test hmangin positive 6 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4372 niin, dam tawh mi 4323 an ni a, enkawl lai mi 40 an awm mek a, nunna chan zat hi mi pakua an ni.

Hri vei hmuhchhuah tawh zingah hian Mipa 3198 awmin, Hmeichhia 1174 an ni.

Tun dinhmunah Aizawl-ah hri vei tam berin 31 an awm mek a, Lunglei-ah 3, Lawngtlai-ah 1 awm lehin,  Siaha- 1, Kolasib 3, Hnahthial -1,  an awm bawk a ni.

Champhai, Serchhip, Mamit, Saitual leh Khawzawl district chu hri vei awm lohna district an ni rih.

🔹️RAgT positive:

➡️ Ramhlun North:Mipa 3 leh Hmeichhia 1, kum 12-82 inkar, kum 82 mi hi Aizawl-a Private damdawi in pakhata inentir tura kal, screening point-a Positive tih hmuhchhuah a ni a, symptom a nei bawk a ni. Midang 3 te hi a chenpui te an ni a, symptom nei an awm lo, hri an kaina chhui mek a ni.

➡️Zuangtui:Mipa kum 34, damdawi in-a a damlo hruai a positive avanga test ve, lo positive ta a ni. Symptom a nei lova, hri a kaina chhui mek a ni.

➡️Vairengte:Hmeichhia kum 16, Bagha-a bazar a kal, symptom nei lo a ni.

🔹️Sample test zat:

➡️ZMC Lab: Aizawl-283

➡️TrueNAT lab: Lunglei-28, Mamit-1, Kolasib-3, Serchhip-23

➡️RAgT: Aizawl-236, Lunglei-14, Champhai-8, Mamit-28, Kolasib-477, Serchhip-87, Saitual-20