Ailawng Film City - Zokhua a in sakte a kang



Aizawl | January 31, 2021: Ailawng Film City a Zokhua Kang chu vawiin khan a kang a, in te hi a kang ral vek a. 


Sawrkar sum senna leh mimal tha leh zung senna chu meivapah a chang ta vek a ni.


He lai hmun hi Dept of I&PR leh Mizoram Film Forum in Ailawng Film City a Zokhua an sak kha niin, misual kut hnu ngei nia rin a ni a.
Mizoram Film Forum in Kulikawn PS-ah FIR an thehlut nghal a, thuneitu lamin an bawhzui nghal dawn niin thu dawn a ni bawk.


Film city hi DIPR leh MFF in an din niin, Zo khua anga dinin in thahnem tak sak a ni a, hetia a kang vek thei hi tihpalh emaw kangmei chhuak palh pangngai nge misual kuthlei thil tih tih hi hriat a ni lova Police leh khawtlang hruaitu te'n an chhui mek a ni.



Ailawng VCP Lalthlamuana chuan, "Dar 12 velah a kang tih kan hria," a ti a, "mahse, a lo kan nasat tawh dan en chuan dar 12 hma lam daih-a kang ṭan a nih a rinawm," tiin Zokhua a kan hun vel a sawi.

Ailawng VCP chuan, "Khawtlangin kan ui tak zet a. kan roh leh hlut em em hetia a ral ta mai hi pawi kan ti tak zet a ni," tiin a sawi bawk.




He Zokhua hi hretu an tam hle a, hripui vangin la hawn loh leh tlawhpawh la phal loh ni mahse, sawrkarin khuahkhirhna a thlahdul deuh hnu hian tlawhtu pawh an tam ve ṭhin hle nia thu dawn a ni.


Hetia rei lote chhunga meivapa a chang ta mai hi ṭhalai lam phei chuan an uiin an pawm thiam lo hle a, an ui tak zet thu EXPLOREMIZORAM.COM an hrilh a. Din thar leh vat theih nise an duh tih an sawi bawk.




Post a Comment

He post chungchanga i ngaihdan lo sawi ve rawh:

Previous Post Next Post