Board class tan sikul hawn tan a ni

Aizawl | January 23, 2021: Nimin atang khan Mizoram pumah pawl 10 leh pawl 12 Board exam hmachhawn tur tan zirna in hawn tan a ni a,  Tun thla ni 18-a sawrkar thuchhuak bawhzuiin school hi hawn tan leh a ni a, Mizoram School thenkhatte chuan vawiin lamah school kal tan lovin school an tifai a, Hostel a lut thenkhat te awm bawkin School thenkhat chuan karleh thawhtan lama  hawn tan an tum bawk a ni.

Education Department Director Pu James Lalrinchhana chuan Mizoram Sawrkar in hun harsa tak a tawh mek avangin school session chu thla 1 in an tawlhhnung tawh tih sawiin Board exam tur ten school chu an luh phawt tur thu sawiin adang te chu boruak awmdan a zirin an luh tur thu a sawi.
School Education Director chuan Covid-19 laka School tin te an him theih nan Composite School Grant an pekchhuah tawh thu sawiin Naupang 100 aia tamah Cheng Sing 5 an pek thu leh naupang 100 aia tlemah Cheng sing 2 sang 5 an pek thu a sawi bawk.
Pu James Lalrinchhana chuan October thla ah SOP chu school tin te hnenah an pek tawh thu sawiin naupangte himna chu sorkarin a ngaih pawimawh ber anih thu leh nu leh pate hlauhthawnna te, hriselna lama hotute hlauhthawnna te pawh an hriatthiam thu a sawi a, naupang te an him theih nan sawrkar in theihtawp a chhuah a ni.
Education Director chuan Hotel lut tur tan RAT test vek tur an nih thu sawiin School tinah Covid-19 vei lo awm palh ta se Isolation Room neih vek tura hriattir an ni tih a sawi bawk. 
Hetihlai hian, Health & Family Welfare department chuan thupek chhuahin Sawrkar damdawi in leh Rapid Antigen Test tihna hmuna sample test man chu cheng 200 a nih tawh thu an an sawi. 

Post a Comment

0 Comments