BJP Mizoram-in AMC inthlan manifesto puangin Candidate puan belh; Aizawl khawpui hmasawnna turin BJP telna AMC sawrkar kan mamawh - Vanlalhmuaka

 Aizawl | January 25, 2021: BJP Mizoram chuan vawiin khan an office-ah Aizawl Municipal Corporation (AMC) inthlan lo awm tura manifesto an puang.

He huna thusawitu BJP Mizoram president Vanlalhmuaka chuan, "Aizawl khawpui tihmasawn turin BJP telna AMC sawrkar Mizoramin a mamawh a ni," a ti.

Vanlalhmuaka chuan, BJP telna AMC sawrkar kan mamawh," tiin, "Mizoram-a sawrkar lai MNF chu Delh-a NDA leh BJP thlawp, Aizawl-a BJP nuairal tum an ni," a ti bawk.

BJP MIzoram chuan AMC inthlan-ah mipui tana tihhlawhtlin tum pawimawh pariat neiin; Single window system, CCTV Camera changtlung dah. Free Wifi Tihchangtlun, Kawngpui siam, Aizawl khawpui zauh, Self Help Group(SHG) AMC hnuaia dah leh market complex siam belh bakah Games and sports Village din te an tum a ni.

BJP chuan AMC inthlan atana candidate tur puan belhin, Ward No 10-ah Gracy Vanlalawmpuii Pachuau dahin, Ward no 3-ah R Lalṭanpuii an dah bawk.

BJP Mizoram Pradesh chuan karthar inhlanna leh AMC Election Manifesto tlangzarhna hun BJP Office Upper Republic Atal Bhawan ah an nei a, Pu P Sanghmingthanga State Secretary in kaihruaiin, Pu Ngursailova Sailo in Hunserh a hmanga, Pu R Vanramchhuanga State General Secretary in AMC Election Manifesto tlangzarhna hun neiin, Pu Vanlalhmuaka BJP Mizoram Pradesh President in Campaign Kickoff  thusawina hun anei bawk.

Pu Vanlalmuaka chuan, AMC Candidate te hnenah "Chak tak leh huai takin awm phawt mai rawh," tih chu ka chah duh che u a ni a ti. Mizoram in kan mamawh, sum leh pai, leh mahni ke a ding a intodelh thei tur khawp a kan awm na tur chuan Central Sorkar puihna angai a, Central ah BJP Sorkar kan nih vangin AMC pawh Central funding ani a, Minister thenkhatin Mizoram Sorkar hnuai emaw tiin, mipui tihthaih nan a Sorkar lai an vote loh chuan hmasawnna a thlen loh tur thu an sawi chuan AMC kalphung an hriatloh zia a tilang a, lo zir chiang leh turin ka chah duh bawk a ni a ti.

Aizawl khawpui ah hian Urban poor (Khawpui ah mi rethei) kan tih hi mi tamtak kan awm a, chung mite tan chuan Self Help Group kal tlangin, dan ang thlapin kan kalpui anga, Aizawl khawpuia mi harsa zawk ten hmasawnna leh eizawnna tha an neih theihna turin hma kan la dawn a, tunah hian Self Help group hi UD&PA hnuaiah a awm a, chu chu AMC kut ah awm tirin, mi tam zawk leh tangkai zawk a hman turin kan buatsaih dawn a ni a ti.

BJP chuan Manifesto pariat 8 lai kan nei a, BJP in kan ti ang kan tih chu kan ti thin a, Central ah pawh Manifesto hlawhtlinna turin  hma kan la thin a, tuna Sorkar kan hrawn mek MNF Sorkar Pu Zoramthanga kaihhruai ang nilovin, hma kan la dawn a ni. Kan CM chuan Assam Rifles Aizawl khawpui a mite chu an Sorkar hunah sawnchhuah annih tur thu a sawi a, nimahsela kum 2 a tling tawh a, an la awm reng a, cheng nuai 3 pawh sem a tiam a, a ti thei chuang lova, amawi zawngin an Manifesto chu an kaihlek kual vel a ni. Chuvangin, Mizoram hian CM mi pangai leh mi tak tak kan mamawh a, Mizo te hian CM tur a Pu Rama leh Pu Hawla chauh emaw ni tur a kan ngaihna hi kan thlak angai a, CM Ramri chingfel ngam leh Ram vei tak tak kan mamawh tawh a, heng mi te hi kan hnawl a hun tawh a ni a ti bawk. AMC inthlan lo awm tur ah hian Aizawl khawpui hmasawnna tak tak a thlenna turin, BJP kan Sorkar anngai ani tih hi Aizawl mipuiten hre thar leh ila, mi thenkhatin Kristianna nen a in hal ang tlat a an sawi thin pawh BJP an hlauh vang leh an huphurh vang mai ani tih hi kan hriat a pawimawh a, Kristian te tihduhdahna leh nekchepna pawh engmah a awm ngai tawh loh atang pawh hian kan hriat a ngai a, Central a Congress an Lal lai ang ni tawh lovin tunah chuan kan zalen ta  a ni. Campaign kickoff tawpnan chuan AMC ah BJP Sorkar na a awm chuan Change tha zawk kan hmu dawn a ni a ti bawk.

AMC Election Manifesto tur te chu:-

1. Single Window System (Central Agency)

2. CCTV Camera (High Definition dah)

3. Free Wifi Hotspot tihchangtlun

4. Kawngpui thar siam (Traffic Jam zia awm nan)

5. Aizawl City Extension.

6. Self Help Group. (UD&PA hnuaiah nilovin, AMC kuta dah)

7. Market Complex siam belh.

8. Games & Sports Village siam.

Inkhawm ah hian AMC Candidate puan tawh sa bakah mi pahnih puan belh leh niin, Ward No-X Pi Gracy Vanlalawmpuii Pachuau Chawnpui Veng leh Ward No- III Pi R Laltanpuii Ramhlun South te chu puan leh a ni bawk.