Assembly speaker-in kawrpuichhuah tlawh

Aizawl | January 30, 2021: Nimin khan Mizoram Legislative Assembly Speaker Pu Lalrinliana Sailo chuan  Bangladesh ram nena insumdawn tawnna atana ruahman Integrated Check Post (ICP), Kawrpuichhuah leh Trade Facilitation Centre, Tlabung a tlawh.
Speaker leh amah zuitute hian ICP Trade Centre hmun Kawrpuichhuah Tlabunga ruahmanna kal mek ngun taka enfiahin helaia official-te leh khawtlang hruaitute nen hmachhawpte an thlirho a. Bangladesh nena insumdawn tawn nana thil pawimawh zinga pakhat Trade Facilitation Centre, Tlabung 9th December 2011 a hawn chu an tlawh bawk.
Nimin vek khan Speaker chuan DIG, BSF Hqrs Aizawl Pu Kuldeep Singh leh 60Bn BSF Commandant Pu Vinay Yadav te a kawm a, Speaker chuan  ramri-a chengte tih hmasawn leh dawmkan chu thil pawimawh tak a ni tih sawiin sipaite leh mipuite inkarah thawhhona leh inpumkhatna tha zawk a awm a pawimawh tih sawiin, inhriatthiam tawnna nena boruak tha tak hnuaia khawsak tlan a tul tih a sawi a.  BSF hmun Kawrpuichhuah pawh tlawh nghalin sipaite leh mipuite inkara inpumkhatna tha tak awm theih dan tur a sawipui a ni. 

- AIR AIzawl

Post a Comment

0 Comments