COVID-19: Hri vei pathum hmuhchhuah belh; enkawl lai mi 39 awm mek

 

  • Hri vei tamna ber Aizawl district-ah hri vei 30 awm mek!
  • Champhai, Mamit, Saitual leh Khawzawl district chu hri vei awm lohna district an ni rih.

Aizawl | January 30, 2021: Nimin khan Mizoram-ah hri vei 3 hmuhchhuah belh niin, Nimin khan dam tawh mi 5 in enkawlna hmun an chhuahsan bawk.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 0, TrueNAT hmangin positive 1 leh  Rapid Antigen test hmangin positive 2 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4366 niin, dam tawh mi 4318 an ni a, enkawl lai mi 39 an awm mek a, nunna chan zat hi mi pakua an ni.

Hri vei hmuhchhuah tawh zingah hian Mipa 3194 awmin, Hmeichhia 1172 an ni.
Tun dinhmunah Aizawl-ah hri vei tam berin 30 an awm mek a, Lunglei-ah 3, Lawngtlai-ah 1 awm lehin,  Siaha- 1, Kolasib 2, Serchhip-1, Hnahthial -1,  an awm bawk a ni.
Champhai, Mamit, Saitual leh Khawzawl district chu hri vei awm lohna district an ni rih.


🔹️ TrueNAT positive:
➡️Hnahthial dist:Mipa kum 48, Sadguru Constructions Pvt. Ltd. hnuaia thawk, Jharkhand atanga lo kal, anmahni Company hmuna quarantine lai, symptom nei lo

🔹️RAgT positive:
➡️ Bawngkawn, Aizawl: Mipa kum 55 & Hmeichhia kum 52 (nupa), Edenthar Venga dawr kai, Aizawl-a private hospital pakhata inentir tura kal, screening point-a lo hmuhchhuah, annu hian symptom a nei a, hri an kaina chhui mek a ni.

➡️ZMC Lab:Aizawl-123
➡️TrueNAT lab: Lunglei-25, Siaha-9, Kolasib-12, Serchhip-36, Lawngtlai-6, Khawzawl-2 leh Hnahthial-30
➡️RAgT: Aizawl-190, Lunglei-58, Siaha-19, Champhai-4, Mamit-46, Kolasib-89, Serchhip-10, Lawngtlai-39, Khawzawl-6, Saitual-26 leh Hnahthial-4

Post a Comment

0 Comments