Aizawl | December 21, 2020: London khawpui-ah Novel Coronavirus hri inthlak danglam nia hriat hmuhchhuah thar chuan khawvel mithiamte a ti ralkhel hle.
Thudawnnain a tarlan danin, hei hri hi Coronavirus (Covid-19) inthlak danglam nia hriat niin, UK ah hmuh a ni a, UK mithiamte chuan code B.1.1.7 in an ko a ni.
B.1.1.7, hi mi thiamte sawi danin, tun dinhmunah khawvel tibuaitu hri leng mek ai hian a let za-a 70 (70%) in kai a awlsam a, chu chu tunah hian United Kingdom (UK) khawpui, London-ah a leng tan mek niin mithiam te chuan an hria a ni.
He thil vang hian UK sorkar chuan Krismas leh Kumthar lawm tumna programme zawng zawng pawh thulh vek turin mipui a hriattir tawh a. Mitin pawn chhuak lo tura ngenin mahni in chhungah tawmim rih turin a hriattir bawk.
London leh south-east England ah Covid-19 insiam danglam thar ta hi a darh chakin kai a awlsam hle a. Hei vang hian Europe ram thenkhat chuan tukin atang khan London khawpui an tlawhserh tan a.
Thlawhna leh rail lut turte pawh an ti tawp hial nia hriat a ni.
- The Zoram Voice News | India Today | BBC
Post a Comment
He post chungchanga i ngaihdan lo sawi ve rawh: