COVID-19: Hri vei 9 hmuhchhuah belh; Hri vei hmuhchhuah 4133 tling tawh!

  •  Hri kai tamna ber Aizawl district-ah hri vei 68 awm mek!
  • Siaha, Mamit leh Khawzawl district chu hri vei awm lohna district an ni rih.

Aizawl | December 22, 2020: Nimin khan Mizoram-ah  COVID-19 positive 2 hmuhchhuah belh a ni a, dam tawh 10 in enkawlna hmun an chhuahsan.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 3, TrueNAT hmangin positive 01leh  Rapid Antigen test hmangin positive 5 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4133 niin, dam tawh mi 3973 an ni a, enkawl lai mi 153 an awm mek a, nunna chan zat hi mi pasarih an ni.
Hri vei hmuhchhuah tawh zingah hian Mipa 3041 awmin, Hmeichhia 1092 an ni.

Tun dinhmunah Aizawl-ah hri vei tam berin 68 an awm mek a, Lunglei-ah 36, Lawngtlai-ah 26 awm lehin,  Serchhip 7,  Champhai -ah 4, Kolasib 9, Hnahthial-1,  Saitual-2 an awm bawk a ni.
Siaha, Mamit, leh Khawzawl district chu hri vei awm lohna district an ni rih.

ZMC RT-PCR positive
Dinthar: Hmeichhia kum 37, tunhnaia Meghalaya atanga lo haw, quarantine lai, symptom nei lo
Falkawn: Mipa 2, kum 31 & 46, positive contact, ZMC-a building sak hna thawk (labourer), Silchar atanga lo kal

TrueNAT positive
Kawnpui: Mipa kum 25, Meghalaya atanga lo haw, quarantine facility-a awm, symptom nei lo

RAgT positive
Seling: Mipa kum 32, UP atanga lo haw, Lengpui Airport screening point-a hmuhchhuah, symptom nei lo
Venglai, Lunglei: Mipa kum 28, Aizawla a zin vanga sample test, kaina chhui mek, symptom nei lo
Mampui, Lawngtlai District: Mipa kum 20 & hmeichhe naupang kum 8, positive contact, symptom nei lo

Test dan:
ZMC RT-PCR : Aizawl - 393

TrueNAT lab: Lunglei-33, Siaha-4, Mamit-2, Kolasib-19, Lawngtlai-28, Khawzawl-3, Hnahthial-1 

RAgT: Aizawl-330, Lunglei-44, Siaha-1, Champhai-22, Mamit-73, Kolasib-46, Serchhip-5, Lawngtlai-69, Khawzawl-8, Saitual-95

Post a Comment

0 Comments