Professional boxing a luhchilh hnua inhnek hmasa ber hmachhawn turin NT Lalbiakkima

Aizawl | December 14, 2020: Mizoram boxer chhuanawm, Siaha tlangval tuna Thuampui a cheng mek NT Lalbiakkima chu professional boxing a luhchilh hnua inhnek hmasa ber hmachhawn turin a inbuatsaih mek.

NT-a hian December 20 hian inhnek hmasa ber hi Mumbai-ah a hmachhawn dawn a, inhnek hmachhawn tur hian Nilaini hian Mizoram chhuahsanin Mumbai a pan dawn a ni.

NT Lalbiakkima hian he inhnek-ah hian hnehna chan ngei tumin a inbuatsaih a, chak ngeia Mizoram lo kir a tum ruh hle a ni.

LIVE with EM:

Video-ah hian a tawngkam lo ngaithla ve rawh

NT-a hian professional boxing a luhchilh hnua a inhnek hmasa ber hmachhawn tum hian nikkum atang khan a inbuatsaih tawh a. Kum tir lam khan inhnek tawh tura beisei a nih laiin, hripui leng vangin a hlawhtling thei ta lo a ni.

A inbuatsaihna kawng-ah hian kumin chhung zawng deuh thaw kha South Korea-ah a lo han khawsa a, coach tha tak hnuai-ah training khirhkhan tak mai a lo han hmachhawn tawh bawk a ni.

NT-a bakah hian Eliza Malsawmtluanga pawhin professional boxing debut hi a hmachhawn dawn a ni.

Nt-a chanchin HETAH hian a awm e.