Boxer NT Lalbiakkima kan belchiang




Diriamna, Hmuhsitna, Neksawrna leh hnualsuatna hneha khawvela hriat leh ngaihven khawpa Boxing khawvela hlawhtling chho mek Boxer NT Lalbiakkima hi i hriat loh kan duh lo.


 exploremizoram.com

He mihring tumruh leh sehhel tak hi LPS Pro - Fight 2014-2019 chhung a tum nga zet Champion nomawi chawitu a nihna leh Champion no mawi chawi rei ber a nihna ringawt pawh hi a ropui tawh vei nen, 2018 khan Kazakhstan President Cup 2018 ah World Number 1, Hassanboy Dusmatove hnehin Bronze Medal and Special Award a la a, A.H Kydrov Memorial International Boxing Championship 2018 , Russsia -ah Bronze Medal, a la bawk.

Mahse, India Mainstream Media tam takin Boxing an ngaihven tawk loh vanga an ngawih theihna chu a tuartu-ah tangin a phu tawk leh a phu ang chawimawina leh lawmpuina pawh a dawng lo niin Boxing ngaintute chuan an ngai.


exploremizoram.com


NT Lalbiakkimia hi N Zomawia leh Zothanpuii fapa niin 1996 April 30 khan a lo piang a. Siaha khuaa awm leh khawsa an ni.
Zirna lamah Pawl 12 a pas hnuin Boxing lamah a kal a, tun dinhmun hi a thleng ta a ni.


exploremizoram.com
A inbuatsaihna a changkang bik lo; Mahse......


A thiante'n, NT emaw BK emaw Biakkim tih tea an kova, 'Pate Palian' tia sawi thin NT Lalbiakkima hian a len loh vanga neksawrna leh hmuhsitna a tawh zawng zawngte chu men-ah thlakin hringnun indona a hmachhawn a, Boxing khawvelah Mizoram mai ni lovin India tihmingthatu a ni a, a tha zawnga khawvel hriata Zofate hming tilartu a ni.

NT-a hian hmanni mai khan a pa a chan a, mahse, thihna vanga indawmkun reng a tum hauh lo. Tunah hian a thawhna Navy chhuahsanin Professional Boxer ni turin a puahchah mek a. Nakin maiah Philippines ah training turin a kal dawn a ni.


  exploremizoram.com


NT Lalbiakkima hian 2011 atang khan Boxing a luhchilh tan a .

Training: 2011 chhung kha Dingdong Boxing Club, Ramhlunah a training a. 2012-14 khan SAI, Mizoram Coach Vulthavunga hnuaiah a training thin.



 exploremizoram.com

Chawimawina dawn tawhte:
1. 1st India Open International Boxing Champhionship 2016 - Bronze Medal
2. Kazakhstan President Cup 2018 Bronze Medal and Special Award
3. A.H Kydrov Memorial International Boxing ChamphionShip 2018 Bronze Medal at Russia
4. Senior National Boxing Championship 2017, Silver Medal and Best Challenger Boxser Trophy @ Visakapatnam
5. Senior National Boxing Championship 2015 Bronze Medal at Nagpur
6. All India Invitational Boxing Championship 2019 - Gold Medal and Best Boxer at Kolkata
7. 2nd LB Chhetri Invitational Boxing Championship 2017 - Gold Medal @ Meghalaya
8. All India Inter SAI Championship 2012 - Gold Medal
9. NorthEast Games 2013  & 2014 - Gold Medal
10. National Junior Boxing Championship 2011 Pune Bronze Medal
11. LPS Pro - Fight 2014-2019 Champion Title holder 5 times and Longest Reigning Champion Record
12. United Sports Association of Mizoram (USAM) Best Sports Person of the year
13. Vulmawi Award 2018 - Best Sportsman of the year
14. Moonlight Award - 2014, 2016 and 2018 Best Sportman of the year

  exploremizoram.com


Relationship Status: Single

Kawppui atana duhzawng:
- Hmeltha leh min zahthiam, ka chunga rinawm , eng hna pawh thawh hreh loh leh ka chhungte min hmangaihpuitu..



 exploremizoram.com

1. A tel lova i awm theih loh - Mobile Phone

2. I nun kaihruaitu: Pathian leh ka nu leh pate

3. I tih ngai miah loh tur: Nu leh pa zahpui

4. Hringnuna i hlauh ber: Hlawhhchham a beiseina neih tawh loh.

5. Mizo Tualzal nuna tha i tih: Tlawmngaihna

6. Quote i duh ber:
If you train hard, You will not only hard, you will be hard to beat.



 exploremizoram.com

7. Mizo thalaite tlakchham: 
- tih tak takna, teirei peihna leh hrehawm tawrhna peihna

8. Thalaiten ngaihsan tur dik an ngaisangin i hria em?
- Hre lo. Mi hlawhtling tak  tak, lehkha thiam te hi an ngaihsanawm a. Mahni intodelh leh kuthnathawh hreh lomi hi ka ngaihsan a, an ngaihsanawm ka ti bawk.


  exploremizoram.com


Thalaite hnena thuchah:
 Eng kawngah pawh kalin, khawi kawng pawh zawh mahla, thawhrimna nun i neih phawt chuan  hlawhtlin hun a la awm ngei ngei ang. Chuvang chuan, KA thalaipuite hi beidawng lova rim taka thawk a hringnun hmachhawn turin ka duh a ni.


exploremizoram.com
Kazakhstan President Cup 2018 Bronze Medal and Special Award a lakna a World Number 1 a hneh chungchanga Mainstream Media ngawi chuan Social Media ah dem a hlawh hle.




  

Explore Mizoram chungchang:
- A hneka inhnek chi han nih chuan tunhmain Explore Mizoram hi ka lo hre lutuk lova. Mahse, mi hlawhtlingte tana thathona pe thei tura backup-tu in nihna ka hmuh hian tha ka ti a, Zoram leh zofate tana rohlu tha tak in niin ka hria a, tha ka ti takzet a ni.


 exploremizoram.com


_________________

TT Arts, Chanmari Aizawl-ah T Shirt print hrang hrang an ti thei.


Call/ WhatsApp +919615332721




Post a Comment

6 Comments

  1. Ropui khawp Mai biakkima nge nge

    ReplyDelete
  2. Ram pawn a gold medal la tirin han ṭang sauh sauh teh se.
    A tellova i awm theih loh-mobile phone.
    Hei hi chu ṭhing ka ti

    ReplyDelete
  3. Tha khawpmai profesonal boxer ropui nithei turin dusakna ka hlan ache

    ReplyDelete
  4. I kal zel na tur ah duhsakna sang ber ka hlan ache zofate chawi sangzel tur in.

    ReplyDelete
  5. Zep lo ah chuan tute mai pawh hi Phone a awm loh chuan current awm lo ang mai hian kan buai phah fo .Business account hi phone kaltlanga siam kan tam tawh khawp mai.In lak changkan kan tum luatah ,kan sawi tam loh thil 'PHONE' tello a awm thei lo chu a thing ka ti ve hranpa lo....Chona thar nen ,min fuih phur khawp mai..

    ReplyDelete

He post chungchanga i ngaihdan lo sawi ve rawh: