PCI Mizoram Synod hnuaia hmasa ber nihna pathum nei turin Zirkungi

Aizawl | December 12, 2020: Presbyterian Church of India Mizoram Synod inkhawmpui rorel chuan Synod Higher Secondary School Principal thar atan leh hmeichhe principal hmasa ber ni turin Pi Zirkungi, Tuikhuahtlang chu a pawm fel ta.


Heti hian Pi Ziri hi hmeichhe Principal hmasa ber a nih dawn bakah, Synod Education Board ah Secretary a ni dawn bawka, Synod hnuaia Board puitlinga  Hmeichhe Secretary hmasaber a ni dawna, Board Secretary te hi Synod hnuaia committee sang ber Synod Executive Committee ( SEC) ah an tel nghal avangin, Pi Zirkungi hi, hmeichhe SEC member hmasaber a ni dawn bawk a ni.

Pi Zirkungi pasal hi Pachhunga University College-a Sociology Department head od department Pu Lallungmuana niin, zirna kawngah Mizote tan an thawhhlawk hle a ni. A pasal hian zirlai tha tak tak a chher chhuak tawh a, gold medalist tam tak leh MCS lama inziak tling tam tak a chher chhuak tawh bawk a ni.

Pi Ziri te nupa hian fa pathum neiin, an fapa upa ber hi MCS topper a ni a, a milai hi MES niin, an fanu naupang ber hi Sawrkar Doctor a ni bawk a  ni. 
Pi Ziri te chhungkua hi Tuikhuahtlang, Aizawl-ah an cheng.

Post a Comment

0 Comments