Aizawl | December 12, 2020: Lawngtlai bawrhsap chuan Lawngtlai district chhungah halpuah lam chi hman leh hal khapna thupek a chhuah.
Halpuah leh halmawi chi hrang hrangte'n mihring hriselna nasa taka a khawih buai theih bakah, kum lama upate leh natna benvawn neite tan harsatna tam tak thlen thei leh kangmei te pawh tichhuak thei a nih avangin Lawngtlai District Magistrate Dr Andrew H. Vanlaldika, MCS chuan CrPC section 144-na tlawh chhanin nimin (11.12.2020) khan a hnuaia thupek hi a chhuah.
- Lawngtlai District chhungah halpuah leh halmawi lam chi reng reng zawrh leh hman khap tlat a ni.
- Silai lem, a mu kap chhuak thei chi reng reng hralh leh hman khap tlat a ni.
- Lawngtlai khawpui chhungah sky lantern thlawhtir phal a ni lo.
- Lawngtlai khawpui chhungah eng lirthei chi-ah mah proton silencer vuaha khawlaia tlan phal a ni lo.
He thupek hian thu leh a awm a nih loh chuan chhuah a nih atanga thla hnih chhung a huam ang a. A zawm lote chu IPC section 188-na hmanga hrem an ni ang.
Attachment
Post a Comment
He post chungchanga i ngaihdan lo sawi ve rawh: