COVID-19: Positive 16 hmuhchhuah belh; Mi 7 in nunna chan tawh!

   

  • Hri kai tamna ber Aizawl district-ah hri vei 79 awm mek!
  • Siaha leh Hnahthial district chu hri vei awm lohna district a ni rih.
  • December hian Hri vei hmuhchhuah 5000 a kai ring!

Aizawl | December 12, 2020: Nimin khan Mizoram-ah  COVID-19 positive 16 hmuhchhuah belh a ni a, dam tawh 20 in enkawlna hmun an chhuahsan.


Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 6, TrueNAT hmangin positive 1 leh  Rapid Antigen test hmangin positive 9 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4024 niin, dam tawh mi 3820 an ni a, enkawl lai mi 197 an awm mek a, nunna chan zat hi mi pasarih an ni.
Hri vei hmuhchhuah tawh zingah hian Mipa 2962 awmin, Hmeichhia 1062 an ni.

Tun dinhmunah Aizawl-ah hri vei tam berin 79 an awm mek a, Lawngtlai-ah 50 awm lehin, Lunglei-ah 33, Serchhip 15,  Champhai -ah 5, Kolasib 9, Saitual 3, Mamit-ah 2, Khawzawl -1,  an awm bawk a ni.
Siaha leh Hnahthial district chu hri vei awm lohna district an ni rih. 


ZMC RT-PCR positive
Durtlang N: Mipa & hmeichhia, kum 19 & 43, positive contact, symptom nei lo
Quarantine Facility a awm: Mipa 2 & hmeichhia 2, kum 17-23; Chanmari-2, Chawnpui-1 & Bethlehem Vengthlang-1; state pawn atanga lo haw, symptom nei lo.

TrueNAT positive
Vairengte: Hmeichhia kum 26, Shillong atanga lo haw, QF-a awm, symptom nei lo

RAgT Positive
Paithar, Lawngtlai: Mipa 4, kum 12-61, positive contact, symptom nei
Lawngtlai III: Mipa kum 38, positive contact, symptom nei
Electric veng, Lawngtlai: Hmeichhia kum 29, positive contact, symptom nei lo
Kolasib: Mipa 1 & hmeichhia 2,  kum 7-36, symptom nei 1. Shillong atanga Vairengtea mitthi ral tura kal, screening point a test.

ZMC RT-PCR 
Aizawl-234

TrueNAT lab
Lunglei-82
Siaha-4
Champhai-17
Mamit-12
Kolasib-22
Serchhip-12
Lawngtlai-50
Saitual-15
Hnahthial-5

RAgT
Aizawl-279
Lunglei-81
Siaha-4
Champhai-4
Mamit-49
Kolasib-3
Serchhip-2
Lawngtlai-30
Khawzawl-27
Saitual-18
Hnahthial-6

Post a Comment

0 Comments