Hripui vangin mipa pakhat thi; Hri vanga nunna chan pasarih tling ta!

Aizawl | December 11, 2020: Vanduaithlak takin vawiin chawhnu dar 1 khan Pu MK Roy (83), Durtlang chu COVID19 vangin SRHF-ZMC-ah a thi.

Sawrka thuchhuahin a tarlan danin, Amah hi zunthlum nei sa a ni a, December ni 9 khan ZMC ah admit niin, ICU ah enkawl nghal a ni.
Heti hian, COVID19 vanga thi mi 7 an awm ta a ni.
Health minister Dr R Lalthangliana chuan, “Pu MK Roy (83), Durtlangin, COVID19 hri leng runthlak tak avanga chatuan ram a pan ta hi pawi ka ti takzet a, a chhungte leh amah lainattute thinlung takin ka tawrhpui a." tiin a sawi a, "Theihtawp chhuaha enkawltute chungah lawmthu ka sawi bawk e” a ti bawk.
Sawrkar tarlan danin, Hripui kai hmuhchhuah tawh zawng zawng hi mi 4008 tling tawhin, vawiin khan dam tawh mi 20 ten enkawlna hmun an chhuahsan a, vawiin tlai thleng khan dam tawh mi 3820 an ni a, enkawllai mi 181 an awm mek a, hripui vanga nunna chan hi mi pasarih an ni.

Post a Comment

0 Comments